Um Íslensku kvikmynda- og sjónvarpsakademíuna

Íslenska kvikmynda- og sjónvarpsakademían, (ÍKSA) er sameiginlegur vettvangur hagsmunafélaga kvikmyndagerðarmanna í landinu til að stuðla að eflingu íslenska kvikmynda- og sjónvarpsgeirans. Í þessu skyni stendur akademían m.a. fyrir veitingu Eddunnar, íslensku kvikmynda- og sjónvarpsverðlaunanna, ár hvert. Edduverðlaunin eru uppskeruhátíð íslenska kvikmynda- og sjónvarpsgeirans, haldin með það að markmiði að efla hann og hvetja þá sem starfa á þessum vettvangi til dáða.

ÍKSA er jafnframt útgefandi Lands & sona, málgagns kvikmyndagerðarmanna, á vef og pappír.

Akademían var stofnuð 1999 og voru fyrstu Edduverðlaunin veitt sama ár.

Íslenska kvikmynda- og sjónvarpsakademían er skráð einkahlutafélag í eigu eftirtalinna aðila:

- Félags kvikmyndagerðarmanna (FK)

- Framleiðendafélagsins SÍK (SÍK)

- Samtaka kvikmyndaleikstjóra (SKL)

Stjórn ÍKSA er skipuð af stjórnum þessara félaga og eiga tveir frá hverju félagi sæti í stjórn. Auk þess á fulltrúi Kvikmyndamiðstöðvar Íslands (KMÍ) sæti í stjórn.

Núverandi stjórn skipa:

Kristín Atladóttir (SÍK) formaður

Sveinn M. Sveinsson (SÍK) ritari

Jón Karl Helgason (FK) gjaldkeri

Björn Brynjúlfur Björnsson (FK) meðstjórnandi

Friðrik Þór Friðriksson (SKL) meðstjórnandi

Ásgrímur Sverrisson (SKL) meðstjórnandi

Laufey Guðjónsdóttir (KMÍ) meðstjórnandi

Aðsetur akademíunnar er að Túngötu 14, 101 Reykjavík.