Leikirnir hér heima í kvöld

Í kvöld er leikið í efstu deildum kvenna í handbolta og körfubolta. Í úrvalsdeild kvenna í handbolta mætast FH og ÍBV í Hafnarfirði og Valur og Víkingur á Hlíðarenda en báðir leikirnir hefjast kl 19.15. Haukastúlkur eru taplausar og efstar í deildinni með 22 stig eftir 11 leiki en ÍBV koma þar á eftir með 18 stig og geta því minnkað muninn með sigri niður í 2 stig. Í körfunni eru einnig tveir leikir hjá stelpunum þegar 12. umferð hefst. Botnlið KR stúlkna sem er enn án stiga fær ÍS í heimsókn og topplið Keflavíkur tekur á móti Haukum. Báðir leikirnir hefjast kl 19.15.