Nýr heimur í gluggatjöldum

"Gluggatjöldin okkar koma frá hollenska fyrirtækinu Hunter Douglas sem er gríðarstórt fyrirtæki. Það má segja að það sé eiginlega eini risinn í gluggatjaldabransanum. Þeir framleiða Luxaflex-gluggatjöld sem við seljum. Þetta er afskaplega vönduð vara og mikið úrval, hvort sem um ræðir efni eða lit," segir Ólafur Kr. Sigurðsson, eigandi Nútíma gluggatjalda og Nútíma húsgagna.Og ekki vantar úrvalið í Nútíma. "Við erum með rúllugardínur, rimlagardínur úr áli, strimlagardínur, felligardínur og svokölluð screen-gluggatjöld. Þetta er nýr heimur í gluggatjöldum því sjaldan hefur sést eins mikið úrval í útfærslum, litum og efni og þvílík gæði. Uppsetningin er líka aðgengileg og afskaplega góð." Nútíma hefur selt gluggatjöld í um tvo til þrjá mánuði og hefur verslunin fengið gríðarlega góðar viðtökur. "Ég hef verið í verslunarbransanum ansi lengi og hef aldrei haft eins ánægða viðskiptavini. Við seljum líka skrifstofuhúsgögn í Nútíma húsgögn í sama húsnæði og sú vara er líka skemmtileg og vönduð og fólk hefur tekið henni afskaplega vel," segir Ólafur að lokum.