Keflavík mætir Olympic Fribourg

Það verður sannkallaður stórleikur í Keflavík í kvöld þegar Íslandsmeistararnir taka á móti Benetton Olympic Fribourg í síðari leik liðanna í úrslitakeppni Mið- og Vesturdeildar bikarkeppni Evrópu í körfuknattleik. Keflvíkingar töpuðu fyrri leiknum í Sviss með átta stiga mun ,103-95, og nægir því níu stiga sigur til að komast áfram í 4-liða úrslit keppninnar en Keflavík situr hjá í 8-liða úrslitum ef liðið kemst áfram. Keflavík gæti nægt átta stiga sigur ef samanlagt stigaskor liðanna er lægra en í fyrri leiknum. Þess bera að geta að það eru átta riðlar í keppninni þannig að í raun kæmist Keflavík í 32-liða úrslit. Leikurinn hefst klukkan 20.30 í „Sláturhúsinu“.