Skrekkur er hafinn

"Jú ætli það megi ekki segja að ég hafi tekið mín fyrstu sviðsskref í Skrekknum," segir Sverrir Þór Sverrisson, Sveppi, sem tók þátt í keppninni árið 1992. Hann sigraði ásamt liði sínu sem kom úr Breiðholtsskóla.

"En ég á þetta á spólu og mér finnst þetta ósköp lítilfjörlegt þegar ég horfi á þetta í dag. Ekkert samanborið við þau atriði sem eru núna í Skrekknum. En það var heilmikil upplifun að koma fram fyrir fullan sal af fólki og gífurlega skemmtilegt," segir Sveppi í viðtali við DV í dag þar sem fjallað er um Skrekk.