Karl Malone hættur í NBA

Malone hafði fullan hug á að leika með San Antonio Spurs í vetur áður en hann komst að þeirri niðurstöðu að ferillinn væri á enda. Jerry Sloan, sem þjálfaði Malone á sínum tíma hjá Utah Jazz, vildi lítið tjá sig um málið en sagði að það hefði verið sannur heiður að þjálfa Malone. Karl Malone, sem á 19 ára feril að baki í NBA-körfuboltanum, 18 tímabil með Utah Jazz og einn vetur með Los Angeles Lakers, hefur ákveðið að leggja skóna á hilluna. Samkvæmt Dwight Stanley, umboðsmanni Malone, verður efnt til blaðamannafundar á sunnudaginn þar sem Malone mun tilkynna ákvörð sína. "Hann hefur hugsað þetta vel en ég ætla ekki að setja hans orð í minn munn og læt hann sjálfan um að segja nánar frá þessu á sunnudaginn," sagði Stanley.