Fjölskyldan hittist yfir grautnum 11. mars 2005 00:01 Sigríður rekur upphaf grautarsamkvæmanna til þess er Einar sonur hennar var nýfluttur heim frá námi í Danmörku á áttunda áratugnum og kom í tilteknum erindum til afa síns og ömmu í hádeginu á miðvikudögum. „Fyrir fyrstu heimsóknina var honum boðið að velja hvað hann fengi að borða og hann pantaði grjónagraut og slátur, enda hafði hann ekki bragðað slíkt hnossgæti lengi. Þetta spurðist vel út og á ættarmóti í Borgarfirðinum stuttu síðar tilkynnti ég að opið hús væri í hádeginu á miðvikudögum hjá mömmu og allir gætu komið í grautinn,“ rifjar Sigríður upp og heldur áfram. „Það var rekinn upp rokna hlátur á ættarmótinu en nú er fyrir löngu komin hefð á þessar samkomur. Mamma hélt þeim áfram meðan hún gat og svo tók ég við. Henni þótti afskaplega vænt um það og ég þori að fullyrða að hvað sem grautarátinu líður hafa þessar samverustundir heilmikið gildi.“ Sigríður kveðst aldrei vita fyrirfram hversu margir mæti. Það hafi verið frá tveimur upp í tuttugu og fjóra. „Oftast legg ég á borð fyrir sex til átta og bæti svo við eftir þörfum,“ segir hún og þvertekur fyrir að erfitt sé að kaupa inn fyrir þessar máltíðir þó að fjöldi matargesta sé á huldu. „Ég sýð alltaf dálítið mikið af grjónum í vatni sem ég get bætt mjólk út í eftir hentugleikum. Ef eitthvað fer forgörðum eru það bara soðin grjón. Það sem er á borðum fyrir utan grautinn er aðallega súrmatur, harðfiskur, rúgbrauð og síld. Allt matur sem geymist.“Sigríður og synirnir Heimir, Einar, Sigurjón, Ingvi og Sindri. Matur Mest lesið Hristir hausinn yfir fyrra líferni Lífið Þetta eru bestu lög 21. aldarinnar Tónlist „Ef þú kemur hingað og ferð að brjóta lög þá áttu ekkert erindi hér“ Lífið Skrýtin skilaboð að þurfa að sækja fundi til að vera edrú Lífið „Það að missa hann hefur líklega mótað mig hvað mest“ Lífið „Hitti Rúrik Gíslason einu sinni í bókabúð og Herra Hnetusmjör nokkrum sinnum“ Lífið Léti aldrei sjá sig í ökklasokkum Tíska og hönnun Britney deildi myndbandi af Yrsu að fá gleraugu í fyrsta sinn Lífið Eigendur Tripical keyptu glæsihæð við Nesveg Lífið „Fötlun fyrir marga að vera með lítið typpi“ Lífið Fleiri fréttir „Forréttur sem ég býð öllum upp á“ Próteinríkt avókadó-salat að hætti Önnu Eiríks Sjá meira
Sigríður rekur upphaf grautarsamkvæmanna til þess er Einar sonur hennar var nýfluttur heim frá námi í Danmörku á áttunda áratugnum og kom í tilteknum erindum til afa síns og ömmu í hádeginu á miðvikudögum. „Fyrir fyrstu heimsóknina var honum boðið að velja hvað hann fengi að borða og hann pantaði grjónagraut og slátur, enda hafði hann ekki bragðað slíkt hnossgæti lengi. Þetta spurðist vel út og á ættarmóti í Borgarfirðinum stuttu síðar tilkynnti ég að opið hús væri í hádeginu á miðvikudögum hjá mömmu og allir gætu komið í grautinn,“ rifjar Sigríður upp og heldur áfram. „Það var rekinn upp rokna hlátur á ættarmótinu en nú er fyrir löngu komin hefð á þessar samkomur. Mamma hélt þeim áfram meðan hún gat og svo tók ég við. Henni þótti afskaplega vænt um það og ég þori að fullyrða að hvað sem grautarátinu líður hafa þessar samverustundir heilmikið gildi.“ Sigríður kveðst aldrei vita fyrirfram hversu margir mæti. Það hafi verið frá tveimur upp í tuttugu og fjóra. „Oftast legg ég á borð fyrir sex til átta og bæti svo við eftir þörfum,“ segir hún og þvertekur fyrir að erfitt sé að kaupa inn fyrir þessar máltíðir þó að fjöldi matargesta sé á huldu. „Ég sýð alltaf dálítið mikið af grjónum í vatni sem ég get bætt mjólk út í eftir hentugleikum. Ef eitthvað fer forgörðum eru það bara soðin grjón. Það sem er á borðum fyrir utan grautinn er aðallega súrmatur, harðfiskur, rúgbrauð og síld. Allt matur sem geymist.“Sigríður og synirnir Heimir, Einar, Sigurjón, Ingvi og Sindri.
Matur Mest lesið Hristir hausinn yfir fyrra líferni Lífið Þetta eru bestu lög 21. aldarinnar Tónlist „Ef þú kemur hingað og ferð að brjóta lög þá áttu ekkert erindi hér“ Lífið Skrýtin skilaboð að þurfa að sækja fundi til að vera edrú Lífið „Það að missa hann hefur líklega mótað mig hvað mest“ Lífið „Hitti Rúrik Gíslason einu sinni í bókabúð og Herra Hnetusmjör nokkrum sinnum“ Lífið Léti aldrei sjá sig í ökklasokkum Tíska og hönnun Britney deildi myndbandi af Yrsu að fá gleraugu í fyrsta sinn Lífið Eigendur Tripical keyptu glæsihæð við Nesveg Lífið „Fötlun fyrir marga að vera með lítið typpi“ Lífið Fleiri fréttir „Forréttur sem ég býð öllum upp á“ Próteinríkt avókadó-salat að hætti Önnu Eiríks Sjá meira