Dótturfyrirtæki Össurar fær bætur

Bandaríska stoðtækjafyrirtækið Bledsoe Brace Systems hefur verið dæmt af alríkisdómstól í Seattle í Washington-ríki til að greiða dótturfélagi stoðtækjafyrirtækisins Össurar, Generation Orthotics, tæplega sjö milljónir bandaríkjadala, jafnvirði 455 milljóna íslenskra króna í bætur, fyrir brot á einkaleyfum fyrirtækisins. Kviðdómur hafði áður komist að þeirri niðurstöðu að framleiðsla og sala á tveimur vörum Bledsoe Brace Systems bryti gegn lögum um einkaleyfi. Alríkisdómstóll vestan féllst á að varanlegt lögbann yrði sett á sölu á hnjáspelkum sem fyrirtækið framleiðir.