Forseti hafi beitt úreltu ákvæði 23. júní 2005 00:01 Ólafur Ragnar Grímsson, forseti Íslands, með sín sérstöku tengsl við Stöð 2, beitti úreltu lagaákvæði í þágu fyrirtækja tengdum Baugi og vann eitthvert mesta skaðaverk sem unnið hefur verið íslenskum almenningi, segir Davíð Oddsson. Pólitíkin hér á landi hafi þannig ekki reynst Jóni Ásgeiri Jóhannessyni illa líkt og skilja megi af viðtali við BBC. Fjallað var um innrás Baugs inn á breskan markað í þættinum Working Lunch á BBC fyrir helgi. Fréttamaður kynnti sér fyrirtækið, umsvif þess og uppruna og ræddi við forstjórann og fleiri hér á landi. Rætt var um fjölmiðladeiluna á síðasta ári og þriggja ára rannsókn efnahagsbrotadeildar Ríkislögreglustjóra. Í þættinum sagði Jón Ásgeir um það mál að forsvarsmenn Baugs væru þess fullvissir að allt sem hefði gerst hefði verið af pólitískum rótum. Þetta væri löng saga og annan þátt þyrfti til að fjalla bara um hana. Aðspurður hvort hann hefði áhyggjur af rannsókninni sagði Jón Ásgeir svo ekki vera. Forsvarsmenn Baugs hefðu fullan stuðning hluthafa og þetta væri mál fyrirtækisins, endurskoðenda og lögfræðinga. Forsvarsmenn fyrirtækisins væru mjög öruggir. Þegar fréttamaður BBC innti Jón Ásgeir eftir því hvort rannsóknin hefði verið fyrirtækinu dýrkeypt þegar það hefði verið að reyna að kaupa Arcadia sagði Jón Ásgeir að það hefði verið slæmt en lífið héldi áfram. Spurður hvort hann væri gramur út af því sagði Jón Ásgeir að hann hefði bara sagt hvernig þetta hefði gerst og söguna fram að atburðunum. Þetta hefði verið íslenskum stjórnmálum til skammar og sýndi hverngi menn gætu misnotað völd sín. Davíð Oddsson segist ekkert hafa fylgst með rannsókn efnahagsbrotadeildar og satt að segja muna illa eftir henni. „Ef það kemur á daginn að þetta eru einhver pólitísk fyrirmæli til lögregluyfirvalda þá þarf hann (Jón Ásgeir) nú ekki að óttast mikið því þá verður þessu öllu saman hent út úr dómstólunum," segir Davíð. Davíð telur forstjórann eiga erfitt með að kvarta yfir pólitíkinni á Íslandi þegar kemur að stóra deilumáli síðasta árs. Í fjölmiðlamálinu hafi menn leitast við að færa lög í þann búning sem annars staðar gerist þannig að allt fjölmiðlavald safnaðist ekki á örfárra manna hendur sem teldu sig af einhverjum ástæðum þurfa að eiga fjölmiðla með öðrum rekstri. „Það er nú ekki hægt að segja að þar hafi hið pólitíska vald verið þessum viðskiptajöfrum neikvætt því á endanum var það hvorki meira né minna en Ólafur Ragnar Grímsson, sem hafði sérstök tengsl við Stöð 2, sem beitti úreltu lagaákvæði sem ekki hafði verið notað í 60 ár í þágu þessara fyrirtækja þannig að það er nú afskaplega skrítið að bera sig svo upp á torgum í Bretlandi," segir Davíð. Í þættinum á BBC er auk Jóns Ásgeirs rætt við Jóhannes föður hans, Jón G. Hauksson, ritstjóra Frjálsrar verslunar, og mann sem kallaður er gamall nágranni, en það er Ólafur Ragnar Grímsson, forseti Íslands, sem þáttastjórnandi segir hrífast af forstjóranum. Ólafur Ragnar sagði í viðtalinu að strax sem barn hefði Jón Ásgeir sýnt mikla hæfileika á sviði verslunar. Hann myndi eftir Jóni fyrir utan stórverslun þegar hann hefði verið lítill drengur að selja poppkorn. Hann hefði keppt við verslunina á sinn hátt með sinn eigin rekstur. Davíð segir að fjölmiðlum í eigu Baugs hafi tekist með samfelldum áróðri og atbeina Ólafs Ragnars Grímssonar að drepa fjölmiðlalögin. „Ég held að það sé eitthvert mesta skaðaverk sem hafi verið unnið gagnvart íslenskum almenningi. Íslenskur almenningur þarf á því að halda að hér sé frjáls fjölmiðlun og dreifð á sem flestra hendur," segir Davíð. Þannig sé staðan ekki í dag að hans mati. Í viðtalinu gefur Jón Ásgeir Bretum góð ráð og segir líkur til að efnahagslífið þar batni verulega taki menn upp íslensku leiðina, dragi úr skriffinnsku og einfaldi lífið. Fréttir Innlent Stj.mál Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Mamma bara María þegar mæðgurnar eru saman á vakt Innlent Arnar Þór á leið í nýjan flokk Innlent Senda svifsprengjur fyrir F-16 Erlent „Spurðu svo fyrirtækið þitt af hverju það leggur fé í heimsendakölt“ Innlent Anton Sveinn McKee til liðs við Miðflokkinn Innlent Diddy á sjálfsmorðsvakt Erlent Önnur vopnageymsla í ljósum logum í Rússlandi Erlent Fleiri fréttir Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Sjá meira
Ólafur Ragnar Grímsson, forseti Íslands, með sín sérstöku tengsl við Stöð 2, beitti úreltu lagaákvæði í þágu fyrirtækja tengdum Baugi og vann eitthvert mesta skaðaverk sem unnið hefur verið íslenskum almenningi, segir Davíð Oddsson. Pólitíkin hér á landi hafi þannig ekki reynst Jóni Ásgeiri Jóhannessyni illa líkt og skilja megi af viðtali við BBC. Fjallað var um innrás Baugs inn á breskan markað í þættinum Working Lunch á BBC fyrir helgi. Fréttamaður kynnti sér fyrirtækið, umsvif þess og uppruna og ræddi við forstjórann og fleiri hér á landi. Rætt var um fjölmiðladeiluna á síðasta ári og þriggja ára rannsókn efnahagsbrotadeildar Ríkislögreglustjóra. Í þættinum sagði Jón Ásgeir um það mál að forsvarsmenn Baugs væru þess fullvissir að allt sem hefði gerst hefði verið af pólitískum rótum. Þetta væri löng saga og annan þátt þyrfti til að fjalla bara um hana. Aðspurður hvort hann hefði áhyggjur af rannsókninni sagði Jón Ásgeir svo ekki vera. Forsvarsmenn Baugs hefðu fullan stuðning hluthafa og þetta væri mál fyrirtækisins, endurskoðenda og lögfræðinga. Forsvarsmenn fyrirtækisins væru mjög öruggir. Þegar fréttamaður BBC innti Jón Ásgeir eftir því hvort rannsóknin hefði verið fyrirtækinu dýrkeypt þegar það hefði verið að reyna að kaupa Arcadia sagði Jón Ásgeir að það hefði verið slæmt en lífið héldi áfram. Spurður hvort hann væri gramur út af því sagði Jón Ásgeir að hann hefði bara sagt hvernig þetta hefði gerst og söguna fram að atburðunum. Þetta hefði verið íslenskum stjórnmálum til skammar og sýndi hverngi menn gætu misnotað völd sín. Davíð Oddsson segist ekkert hafa fylgst með rannsókn efnahagsbrotadeildar og satt að segja muna illa eftir henni. „Ef það kemur á daginn að þetta eru einhver pólitísk fyrirmæli til lögregluyfirvalda þá þarf hann (Jón Ásgeir) nú ekki að óttast mikið því þá verður þessu öllu saman hent út úr dómstólunum," segir Davíð. Davíð telur forstjórann eiga erfitt með að kvarta yfir pólitíkinni á Íslandi þegar kemur að stóra deilumáli síðasta árs. Í fjölmiðlamálinu hafi menn leitast við að færa lög í þann búning sem annars staðar gerist þannig að allt fjölmiðlavald safnaðist ekki á örfárra manna hendur sem teldu sig af einhverjum ástæðum þurfa að eiga fjölmiðla með öðrum rekstri. „Það er nú ekki hægt að segja að þar hafi hið pólitíska vald verið þessum viðskiptajöfrum neikvætt því á endanum var það hvorki meira né minna en Ólafur Ragnar Grímsson, sem hafði sérstök tengsl við Stöð 2, sem beitti úreltu lagaákvæði sem ekki hafði verið notað í 60 ár í þágu þessara fyrirtækja þannig að það er nú afskaplega skrítið að bera sig svo upp á torgum í Bretlandi," segir Davíð. Í þættinum á BBC er auk Jóns Ásgeirs rætt við Jóhannes föður hans, Jón G. Hauksson, ritstjóra Frjálsrar verslunar, og mann sem kallaður er gamall nágranni, en það er Ólafur Ragnar Grímsson, forseti Íslands, sem þáttastjórnandi segir hrífast af forstjóranum. Ólafur Ragnar sagði í viðtalinu að strax sem barn hefði Jón Ásgeir sýnt mikla hæfileika á sviði verslunar. Hann myndi eftir Jóni fyrir utan stórverslun þegar hann hefði verið lítill drengur að selja poppkorn. Hann hefði keppt við verslunina á sinn hátt með sinn eigin rekstur. Davíð segir að fjölmiðlum í eigu Baugs hafi tekist með samfelldum áróðri og atbeina Ólafs Ragnars Grímssonar að drepa fjölmiðlalögin. „Ég held að það sé eitthvert mesta skaðaverk sem hafi verið unnið gagnvart íslenskum almenningi. Íslenskur almenningur þarf á því að halda að hér sé frjáls fjölmiðlun og dreifð á sem flestra hendur," segir Davíð. Þannig sé staðan ekki í dag að hans mati. Í viðtalinu gefur Jón Ásgeir Bretum góð ráð og segir líkur til að efnahagslífið þar batni verulega taki menn upp íslensku leiðina, dragi úr skriffinnsku og einfaldi lífið.
Fréttir Innlent Stj.mál Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Mamma bara María þegar mæðgurnar eru saman á vakt Innlent Arnar Þór á leið í nýjan flokk Innlent Senda svifsprengjur fyrir F-16 Erlent „Spurðu svo fyrirtækið þitt af hverju það leggur fé í heimsendakölt“ Innlent Anton Sveinn McKee til liðs við Miðflokkinn Innlent Diddy á sjálfsmorðsvakt Erlent Önnur vopnageymsla í ljósum logum í Rússlandi Erlent Fleiri fréttir Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Sjá meira
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent