Woods og Perry efstir á NEC-mótinu

Bandaríkjamennirnir Tiger Woods og Kenny Perry hafa forystu fyrir lokahringinn á NEC-mótinu í golfi í Akron í Ohio í Bandaríkjunum. Þeir eru báðir á sjö höggum undir pari. Vegna rigningar var keppni stöðvuð í þrjár klukkustundir og síðan var henni frestað. Enn hafa því ekki allir kylfingarnir lokið þriðja hring. Írinn Paul McGinley er í þriðja sæti á sex undir pari og Ástralinn Stuart Appelby í fjórða sæti á fimm undir pari. Einu höggi á eftir honum í fimmta sætinu eru Spánverjarnir Jose Maria Olazabal og Sergio Garcia.