Forvarnir gegn brunaslysum

Samningur um forvarnar­samstarf gegn brunaslysum af völdum heits vatns var undirritaður á milli Orkuveitu Reykjavíkur og Sjóvá Forvarnarhúss á fimmtudaginn. Sjóvá Forvarnarhús mun leiða verkefnið með stuðningi og fulltingi Orkuveitu Reykjavíkur.

Verkefnið beinist að því að þróa og kynna lausnir til að koma í veg fyrir brunaslys af völdum heits vatns. Áætlað er að verkefnið muni kosta fjórar milljónir króna og standa í eitt ár. Orkuveita Reykjavíkur mun fjármagna verkefnið.