Valinn með póstkosningu

Framboðslisti Framsóknarflokksins í Norðvesturkjördæmi verður valinn með póstkosningu. Þetta var samþykkt á fundi kjördæmissambands flokksins á laugardag. Stjórn kjördæmissambandsins lagði til að farin yrði önnur leið en sú tillaga var felld.

Tveir hafa gefið kost á sér í fyrsta sæti listans. Þeir eru Kristinn H. Gunnarsson alþingismaður og Magnús Stefánsson félagsmálaráðherra. Kristinn hafði mælt með að listinn yrði valinn með póstkosningu, en þar kjósa allir framsóknarmenn í kjördæminu um öll sæti listans í einni kosningu.