September sá fjórði hlýjasti

Nýliðinn september mánuður var ákaflega hlýr um allt land. Þetta er meðal þess sem fram kemur á tíðindayfirliti frá Veðurstofu Íslands. Meðalhiti í Reykjavík mældist 10,5 gráður sem er 3,1 stigi hærra en í meðalári. September í ár er fjórði hlýjasti septembermánuður í Reykjavík síðan mælingar hófust. Á Akureyri var hitinn 2,3 gráðum hærri en í meðalári eða 8,6 stig. Mæld úrkoma í Reykjavík var 117 mm sem er nærri meðallagi en 50 mm á Akureyri sem er þriðjungi yfir meðallagi.