Mun leiða lista í Reykjavík

Jón Sigurðsson, formaður Framsóknarflokksins mun bjóða sig fram í Reykjavík og vill leiða lista flokksins í Reykjavíkurkjördæmi norður.

Halldór Ásgrímsson, fyrrverandi formaður leiddi lista Framsóknarflokksins í kjördæminu fyrir síðustu kosningar og var Árni Magnússon, fyrrverandi félagsmálaráðherra, sem einnig hefur sagt skilið við stjórnmál, í öðru sæti listans. Í þeirra stað sitja nú Guðjón Ólafur Jónsson og Sæunn Stefánsdóttir á þingi fyrir Framsóknarflokkinn.