Engar áætlanir um Íslandsflug

Greint hefur verið frá því í fjölmiðlum að eitt stærsta flugfélag heims, Ryanair, hafi ákveðið að hefja áætlunarflug til Íslands næsta sumar og er þetta haft eftir fréttabréfi Félags íslenskra atvinnuflugmanna.

Blaðafulltrúi Ryanair á aðalskrifstofu félagsins á Írlandi segir ekkert hæft í þessum sögusögnum. Félagið hafi enga ákvörðun tekið um þetta. Keflavík er meðal margra tuga annarra flugvalla í Evrópu sem Ryanair flýgur ekki til og það er í sífelldri endurskoðun hvort til þeirra skuli flogið eða ekki, sagði blaðafulltrúinn í viðtali við Fréttablaðið í gær.