Dómssátt ólíkleg niðurstaða

Málsaðilar í máli Jónínu Benediktsdóttur gegn 365 fjölmiðlum íhuga nú möguleika á dómsátt. Málið höfðaði Jónína vegna umfjöllunar DV um samband hennar við Styrmi Gunnarsson, ritstjóra Morgunblaðsins, með fyrirsögninni: Þau voru elskendur.

Það eina sem vakir fyrir mér er að sjá til þess að þetta gerist aldrei aftur, segir Jónína.

Ég tel frekar minni líkur á því en meiri að samkomulag náist, segir Jón Magnússon, lögmaður 365. Hugmyndin kom frá lögmanni Jónínu og við erum að skoða málið.