Sonja í fjórða til fimmta sæti

Sonja B. Jónsdóttir, myndlistarkennari og kvikmyndagerðarmaður, sækist eftir 4.-5. sæti í prófkjöri þingflokks Samfylkingarinnar í Suðvesturkjördæmi.

Sonja hefur lokið BA-prófum í myndlist, heimspeki og almennri bókmenntafræði. Einnig er hún með réttindi til myndlistarkennslu. Hún hefur starfað við fjölmiðla og rekið eigið fyrirtæki, Kvikmyndafélagið Nýja bíó. Af félagsmálum má telja að Sonja hefur setið í stjórnum Alnæmissamtakanna og Samtaka um kvennaathvarf.

Í síðustu kosningum var Sonja í níunda sæti framboðslista Samfylkingarinnar í sama kjördæmi.