Clint og Drottningin verðlaunuð 12. desember 2006 16:00 The queen fékk fjögur verðlaun í heildina, meðal annars fyrir bestu leikkonu og besta handrit. Kvikmyndin Letters From Iwo Jima eftir Clint Eastwood var valin kvikmynd ársins af Samtökum gagnrýnenda í Los Angeles, en þeirra árlega verðlaunaafhending fór fram um helgina. Verðlaunin þykja gefa góða vísbendingu um hvaða kvikmyndir það verði sem lenda efst á blaði þegar kemur að því að velja Óskarsverðlaunin og því fygldust margir spenntir með. Letters from Iwo Jima fjallar um seinni heimsstyrjöldina frá sjónarhorni Japana, hún er næstum því öll á japönsku og var einnig tilnefnd sem besta erlenda kvikmyndin. Það var kvikmyndin The Queen sem lenti í öðru sæti, en hún var einnig atkvæðamikil á afhendingunni og sópaði til sín fjórum verðlaunum allt í allt, meðal annars fékk Helen Mirren verðlaun sem besta leikkona í aðalhlutverki og Peter Morgan fyrir besta handrit. Það vakti mikla athygli að Letter from Iwo Jima hafi þótt besta myndin en í flokknum var einnig myndin FLags of Our Fathers, sem líka er eftir Eastwood og var eins og margir muna tekin að stórum hluta upp hér á landi. Besti leikstjórinn var valinn Paul Greengras fyrir kvikmyndina United 93 og í öðru sæti var Eastwood sjálfur fyrir stríðsmyndirnar tvær. Óvæntasti verðlaunahafi hátíðarinnar var án nokkurs vafa leikarinn Sacha Baron Cohen, en hann var valinn besti leikari ársins fyrir persónu sína Borat, en verðlaunum deildi hann með Íslandsvininum Forrest Whitaker, en hann þykir skara fram úr fyrir túlkun sína á Idi Amin Dada í kvikmyndinni The Last King of Scotland. Besta erlenda kvikmyndin var valin The Lives of Others eftir Florian Henckel von Donnersmarck, en kvikmyndin Volver eftir Pedrp Almodovar fylgdi fast á hæla hennar. Af öðrum verðlaunum ber að nefna kvikmynd Al Gores An Inconvenient Truth sem sigraði í flokki heimildarmynda og fjölskyldumyndina Happy Feet sem þótti besta teiknimyndin. Þess ber að geta að kvikmyndin Letters from Iwo Jima átti ekki að koma út fyrr en snemma á næsta ári, en forsprakkar Warner Brothers ákváðu í flýti að frumsýna hana núna í desember. Clint Eastwood. Kvikmyndin Letters from Iwo Jima var valin besta mynd, en Flags of Our Fathers sem einnig er eftir Clint var líka tilnefnd. . Baron Sacha Cohen þótti besti leikarinn þetta árið, fyrir persónu sína Borat í samnefndri mynd. . Mest lesið Vala Grand og Brynjólfur flytja á Skagann Lífið Árin hjá Spotify ævintýri líkust Lífið Fyrst skíði og nú golf Lífið Rétturinn sem fær konurnar niður á hnén Lífið Brady og Bloom sagðir sólgnir í Sweeney Lífið „Takk Hreyfill frá Vorsabæ“ Lífið Drakk ógeðslega illa og hætti eftir blindafyllerí Lífið Forsala á Kaleo seldist upp á innan við mínútu Tónlist Djöfullinn klæðist Prada á ný Bíó og sjónvarp Einar fékk meira hár en Baldur Lífið Fleiri fréttir Djöfullinn klæðist Prada á ný Grindavík sigursæl erlendis Skapandi sumarstarf varð að þætti á laugardagskvöldum á RÚV Næsti Bond undir þrítugu og þrír efstir á blaði Villeneuve leikstýrir næstu mynd um James Bond Ólafur Darri og Hera Hilmars halda áfram að heilla heiminn Amatörar, hvalfirskur bóndi og barátta við borgina verðlaunuð Sjá meira
Kvikmyndin Letters From Iwo Jima eftir Clint Eastwood var valin kvikmynd ársins af Samtökum gagnrýnenda í Los Angeles, en þeirra árlega verðlaunaafhending fór fram um helgina. Verðlaunin þykja gefa góða vísbendingu um hvaða kvikmyndir það verði sem lenda efst á blaði þegar kemur að því að velja Óskarsverðlaunin og því fygldust margir spenntir með. Letters from Iwo Jima fjallar um seinni heimsstyrjöldina frá sjónarhorni Japana, hún er næstum því öll á japönsku og var einnig tilnefnd sem besta erlenda kvikmyndin. Það var kvikmyndin The Queen sem lenti í öðru sæti, en hún var einnig atkvæðamikil á afhendingunni og sópaði til sín fjórum verðlaunum allt í allt, meðal annars fékk Helen Mirren verðlaun sem besta leikkona í aðalhlutverki og Peter Morgan fyrir besta handrit. Það vakti mikla athygli að Letter from Iwo Jima hafi þótt besta myndin en í flokknum var einnig myndin FLags of Our Fathers, sem líka er eftir Eastwood og var eins og margir muna tekin að stórum hluta upp hér á landi. Besti leikstjórinn var valinn Paul Greengras fyrir kvikmyndina United 93 og í öðru sæti var Eastwood sjálfur fyrir stríðsmyndirnar tvær. Óvæntasti verðlaunahafi hátíðarinnar var án nokkurs vafa leikarinn Sacha Baron Cohen, en hann var valinn besti leikari ársins fyrir persónu sína Borat, en verðlaunum deildi hann með Íslandsvininum Forrest Whitaker, en hann þykir skara fram úr fyrir túlkun sína á Idi Amin Dada í kvikmyndinni The Last King of Scotland. Besta erlenda kvikmyndin var valin The Lives of Others eftir Florian Henckel von Donnersmarck, en kvikmyndin Volver eftir Pedrp Almodovar fylgdi fast á hæla hennar. Af öðrum verðlaunum ber að nefna kvikmynd Al Gores An Inconvenient Truth sem sigraði í flokki heimildarmynda og fjölskyldumyndina Happy Feet sem þótti besta teiknimyndin. Þess ber að geta að kvikmyndin Letters from Iwo Jima átti ekki að koma út fyrr en snemma á næsta ári, en forsprakkar Warner Brothers ákváðu í flýti að frumsýna hana núna í desember. Clint Eastwood. Kvikmyndin Letters from Iwo Jima var valin besta mynd, en Flags of Our Fathers sem einnig er eftir Clint var líka tilnefnd. . Baron Sacha Cohen þótti besti leikarinn þetta árið, fyrir persónu sína Borat í samnefndri mynd. .
Mest lesið Vala Grand og Brynjólfur flytja á Skagann Lífið Árin hjá Spotify ævintýri líkust Lífið Fyrst skíði og nú golf Lífið Rétturinn sem fær konurnar niður á hnén Lífið Brady og Bloom sagðir sólgnir í Sweeney Lífið „Takk Hreyfill frá Vorsabæ“ Lífið Drakk ógeðslega illa og hætti eftir blindafyllerí Lífið Forsala á Kaleo seldist upp á innan við mínútu Tónlist Djöfullinn klæðist Prada á ný Bíó og sjónvarp Einar fékk meira hár en Baldur Lífið Fleiri fréttir Djöfullinn klæðist Prada á ný Grindavík sigursæl erlendis Skapandi sumarstarf varð að þætti á laugardagskvöldum á RÚV Næsti Bond undir þrítugu og þrír efstir á blaði Villeneuve leikstýrir næstu mynd um James Bond Ólafur Darri og Hera Hilmars halda áfram að heilla heiminn Amatörar, hvalfirskur bóndi og barátta við borgina verðlaunuð Sjá meira