Mauresmo og Henin Hardenne mætast í úrslitum

Það verða Amelie Mauresmo og Justine Henin-Hardenne sem mætast í úrslitum í kvennaflokki á opna ástralska meistaramótinu í tennis sem fram fer í Melbourne. Henin-Hardenne sigraði Mariu Sharapovu í undanúrslitum og Mauresmo lagði Kim Clijsters í hinum undanúrslitaleiknum. Clijsters þurfti að hætta keppni vegna meiðsla í síðasta setti leiksins og því komst Mauresmo áfram í úrslit. Henin-Hardenne vann hins vegar Sharapovu þrátt fyrir að vera setti undir á tímabili. Úrslitaleikur Mauresmo og Henin-Hardenne fer fram á laugardag.