Glæsilegur sigur Íslendinga á Rússum

Íslenska landsliðið í handbolta vann glæsilegan sigur á Rússum í Sviss í dag 34-32, eftir að hafa verið yfir í hálfleik 17-15. Guðjón Valur Sigurðsson skoraði 11 mörk fyrir íslenska liðið og Ólafur Stefánsson gerði 8 mörk.

Snorri Steinn Guðjónsson, Róbert Gunnarsson og Alexander Petersson skoruðu allir 4 mörk, Arnór Atlason gerði 2 og Vignir Svavarsson 1. Íslenska liðið hefur með sigrinum náð forystu í milliriðlinum, en síðar í dag leika Danir við Króata og þá mæta Norðmenn Serbum.