SAM-félagið kaupir kvikmyndahús í Danmörku

Úrás íslenskra kaupsýslumanna nær nú til kvikmyndahúsageirans því SAM-félagið, sem rekur meðal annars Sam-bíóin hér á landi, hefur keypt Cinemaxx-kvikmyndahúsakeðjuna í Danmörku. Með kaupunum má búast við að miðasala SAM-félagsins nærri fjórfaldist.

Cinemaxx-keðja en ein sú stærsta í Danmörku og rekur þrjú kvikmyndahús með 25 sölum. Þar á meðal er stærsta kvikmyndahús Kaupmannahafnar sem er í verslunarmiðstöðinni Fisketorvet sem mörgum Íslendingum er að góðu kunn. Fyrir rekur SAM-félagið fjögur kvikmyndahús hér á landi undir merki SAM-bíóanna auk Háskólabíós.

Aðspurður hvort kaupin geti huganlega komið til góða við dreifingu íslenskra mynda segir Árna svo geti vel verið. Forsvarsmenn fyrirtækisins geti einnig hugsað sér að taka myndir sem talsettar eru á íslensku til sýninga í Danmörku fyrir Íslendinga þar í landi, en SAM-félagið hefur umboð fyrir Disney-myndir hér á landi. Þá segir hann að tíminn verði að leiða í ljós hvort fyrirtækið láti frekar til sín taka á erlendum mörkuðum.