Hver vinnur Meistarann?

Inga Þóra Ingvarsdóttir og Jónas Örn Helgason keppa til úrslita í Meistaranum að kveldi uppstigningardags. Þau eru með yngstu keppendum Meistarans í ár, Jónas Örn, er aðeins 21 árs og Inga Þóra,

fimm árum eldri.

Og þau eiga meira sameiginlegt; bæði voru þau í MH

og bæði kepptu þau fyrir hönd skólans í spurningakeppni framhaldsskólanna Gettu betur, með góðum árangri. Það má því líta á þessar lyktir sem vissan sigur fyrir MH.

Úrslitaþátturinn verður að kveldi uppstigningardags, 25. maí á Stöð 2

INGA ÞÓRA er 26 að aldri. Hún er stúdent frá MH, líkt og

Jónas Örn og tók BA-próf í safnfræði frá HÍ 2002. Hún er með MA-próf í

Propaganda, Persuasion and History frá University of Kent frá 2005. Inga

Þóra hefur unnið mörg störf, m.a. á leikskóla, elliheimili, bókasafni, hjá

Orkuveitu Reykjavíkur og sem bréfberi hjá Íslandspósti. Inga Þóra hefur

mikinn áhuga á bókmenntum og les heims- og afþreyingarbókmenntir jöfnum höndum. Myndlist er henni einnig hugleikin, sem og skriftir, tónlist ogkvikmyndir. Sérsviðin segir hún tengjast áhugamálum og menntum - eins og gefur að skilja. Inga Þóra tók þátt í Gettu betur fyrir hönd MH öll sínmenntaskólaár. Inga Þóra er eini keppandinn í 4 manna úrslitum sem hefur verið með frá fyrstu umferð. Hún lagði Þorvald Þorvaldsson smið í allra fyrsta þættinum á öðrum degi jóla; í 16 manna úrslitum gerði hún sér lítið fyrir og lagði Friðbjörn Eirík Garðarson lögmann, sem sjálfur hafði lagt af velli Stefán Pálsson í fyrstu umferð og í 8 manna úrslitum lagði hún sem fyrr segir Kristján Guy Burgess.

JÓNAS ÖRN er tuttugu og eins árs gamall verkfræðinemi og stúdent frá MH. Margir muna eftir honum úr Gettu betur þar sem hann keppti fyrir hönd MH í þrjú ár með eftirtektarverðum árangri. Helstu áhugasvið Jónasar eru tónlist, gamanþættir og partístand. Jónas Örn er í kór og spilar á gítar. Jónas Örn mætti til leiks í annarri umferð og lagði þá Hauk Harðarson viðskiptafræðing, en sá hafði einmitt lagt föður Jónasar Arnar, Helga Árnason skólastjóra Rimaskóla. Í 8 manna úrslitum lagði Jónas Örn síðan fyrrverandi keppinaut sinn úr Gettu betur, Steinþór Arnsteinsson í

æsispennandi viðureign.

Meistarinn er alvöru spurningaþáttur, "klassískur spurningaþáttur," eins og stjórnandi þáttarins, Logi Bergmann hefur orðað það.

Meistarinn á sér enga fyrirmyndir, er nýr og fjölbreyttur spurningaþáttur

fyrir alla fjölskylduna, sem sameina mun allt það besta sem tíðkast hefur í

vinsælum spurningaþáttum. Spennan verður í hávegum höfð og mun ekki einasta

reyna á þekkingu keppenda heldur ekki síður kænsku þeirra og heppni.

Spurningar eru almenns eðlis, um allt og ekkert, allt frá því að vera

níþungar í að vera laufléttar. Reynir því ekki einasta á gáfur keppenda

heldur ekki hvað síst á kænsku og heppni. Einn mikilvægasti liðurinn í

keppninni er nefnilega sá að keppendur þurfa að velja flokka ýmist handa

sér eða mótkeppanda sínum. Keppendur þurfa því að spreyta sig á flokkum sem

mótkeppandi velur jafnt og hinum ýmsu mynd- og hljóðdæmum. Þurfi keppandi

því að hafa heppnina sín megin og leika leikinn að kænsku til að reyna að

Sá sem krýndur verður Meistarinn eftir að hafa lagt alla keppinauta sína í

maður-á-mann útsláttarkeppni mun fá að launum 5 milljónir króna í

beinhörðum peningum.

Það er því greinilegt að Jónas Þór og Inga Þóra hafa til mikils að vinna og verður spennandi að fylgjast með þeim næstkomandi fimmtudagskvöld.