Styttist í Innipúkann

Nú eru réttir 25 dagar í Innipúkann. Miðasala er hafin og hafa nú þegar selst um 200 miðar á hátíðina. Með þessu áframhaldi ætti að verða uppselt fljótlega. Miðasala fer fram á midi.is, í Skífubúðunum og í verslun Hive við Grensásveg.

Dagskrá Innipúkans 2006 er glæsileg en hátíðin verður haldin á Nasa 4. 5. og 6. ágúst, er þetta 5. árið sem hátíðin fer fram um verslunarmannahelgina í Reykjavík. Tilgangur hátíðarinnar verður í ár sem önnur ár að bjóða upp á góða tónlist í Reykjavík á sama tíma og vertíð útihátíða á Íslandi gengur í garð.

Tónleikar hefjast alla dagana kl. 18 og stendur gleðin fram á rauða nótt. Dagskrá hátíðarinnar er eftirfarandi:

Föstudagur 4. ágúst Television, Benni Crespo's Gang, The Foghorns, Ég, Jan Mayen, Jomi Massage, Jakobínarína og Jeff Who

Laugardagur 5. ágúst

Throwing Muses, Weapons, Æla, Morðingjarnir, Hermigervill, Solex, Eberg, Hjálmar og Donna Mess

Sunnudagur 6. ágúst

Speaker Bite Me, Mugison, Mammút, Ampop, Koja, Norton, Skakkamanage, Mr. Silla/ Mongoose og Ghostigital.

Hægt verður að kaupa passa á alla hátíðina og einstaka daga líka. Passi kostar 5.900 kr. auk miðagjalds og dagspassi kostar 2.600 kr. auk miðagjalds. Þess ber að geta að alltaf hefur orðið uppselt á hátíðina og takmarkað magn miða er í boði.

Lesa má nánar um hátíðina á www.ddr.is og www.innipukinn.is