Segir glæpahring starfandi hér á landi

Sýslumaðurinn á Keflavíkurflugvelli, Jóhann R. Benediktsson, telur að vel skipulagður litháískur glæpahringur standi fyrir umfangsmiklum innflutningi og dreifingu og sölu fíkniefna hér á landi. Hann bendir á að lögregla og tollgæsla hafi þrisvar á árinu komið í veg fyrir að Litháar næðu að smygla miklu magni af amfetamíni til landsins. Hann segir mikilvægt í þessu ljósi að lögregla og tollgæsla fái auknar heimildir og fjármagn til að uppræta sölu- og dreifingarkerfi glæpahópsins.