Handteknir fyrir rúðubrot og fyrir að veitast að lögreglu

Tveir menn gista nú fangageymslur lögreglunnar í Keflavík eftir ölvun og ofstopa í samskiptum við lögreglu. Lögregla var kvödd að húsnæði Tryggingamiðstöðvarinnar við Hafnargötu í nótt eftir að annar þeirra hafði brotið rúðu þar.

Þegar lögregla hugðist handtaka hann veittist hinn að löreglunni með hótunum og reyndi að hindra hana í starfi og var hann því líka handtekinn. Mennirnir verða yfirheyrðir síðar í dag þegar ölvíman er runnin af þeim. Lögregla í Keflavík hafði líka afskipti af manni vegna gruns um fíkniefnamisferli, en á honum fundust um það bil 10 grömm af meintu amfetamíni. Honum hefur verið sleppt og telst málið upplýst.