Sofnaði undir stýri í Hvalfjarðargöngum

Ungur ökumaður gaf sig í eftirmiðdaginn fram við lögreglu og sagðist hafa verið valdur að umferðaróhappi í Hvalfjarðargöngum í nótt. Að sögn lögreglu sofnaði hann við stýrið og missti stjórn á bílnum. Engin slys urðu á fólki og ekki er vitað með skemmdir á bílnum né hvort klæðning hafi skemmst. Maðurinn kvaðst hafa brugðið svo að hann ók rakleiðis heim og þorði ekki að tilkynna óhappið. Hann sá svo að sér með morgninum og gaf sig fram við lögreglu.

Þá var ökumaður stöðvaður snemma í morgun vegna einkennilegs aksturlags. Sá er grunaður um akstur undir áhrifum kannabisefna.