Himnesk hollusta innkallar döðlur vegn mítla

Fyrirtækið Himnesk hollusta hefur innkallað lífrænt ræktaðar döðlur sem það selur vegna svokallaðra mítla sem fundist hafa í þeim. Um er að ræða 250 og 400 gramma bakka með döðlum sem eru bestar fyrir 30.05.07 og 31.07.07.

Fram kemur á vef umhverfissviðs Reykjavíkurborgar að mítlar séu örlitlar áttfætlur sem þrífast víðs vegar í umhverfinu og geta sumar tegundir þeirra lagst á matvæli. Þeir eru þó ekki taldir hættulegir heilsu manna. Himnesk hollusta hefur innkallað allar döðlur með þessum dagsetningum frá neytendum og eru þeir beðnir um að hafa samband við fyrirtækið í síma 554 7273.