Vöruskiptahalli rúmir hundrað milljarðar á árinu

Viðskiptahallinn við útlönd reyndist 7,6 milljarðar króna í septembermánuði og er það rúmum fjórum milljörðum króna minni halli en í sama mánuði í fyrra. Fram kemur í tölum Hagstofunnar að vörur fyrir rúmlega 22 milljarða hafi verið fluttar út í mánuðinum en inn fyrir tæpa þrjátíu milljarða. Þegar horft er til fyrstu níu mánaða ársins nemur viðskiptahallinn rúmum 100 milljörðum króna og er það 27 milljörðum króna lakari viðskiptajöfnuður en á sama tíma í fyrra.