Valgerður fundar með norrænum starfsbræðrum sínum

Valgerður Sverrisdóttir situr fund utanríkisráðherra og utanríkisviðskiptaráðherra norrænu ríkjanna í tengslum við þing Norðurlandaráðs sem hefst í Kaupmannahöfn í dag og stendur fram á fimmtudag. Auk þess mun Valgerður heimsækja birgðastöð Barnahjálpar S.þ. Þá tekur nýr fríverslunarsamningur milli Íslands og Færeyja gildi á morgun, kenndur við Hoyvík í Færeyjum, og munu íslensk og færeysk stjórnvöld standa að sameiginlegri móttöku af því tilefni í sendiráði Íslands í Kaupmannahöfn.