Dagur Group og Árdegi sameinast undir Árdegi

Dagur Group og Árdegi sameinast undir nafni Árdegis eftir að síðarnefnda félagið keypti í vor alla hluti í Degi Group. Fram kemur í tilkynningu frá Árdegi að unnið hafi verið að sameiningu félaganna og er hún nú gengin í gegn.

Eftir sameiningu verður til verslunarfyrirtæki á sviði raftækja, tölvu- og afþreyingarvara annars vegar og fatnaðar hins vegar því Árdegi rekur BT, Skífuna, Sony Center, NOA NOA og NEXT. Jafnfram hefut Árdegi fjárfesti í raftækjakeðjunni Merlin sem rekur 50 verslanir í Danmörku. Áætluð velta Árdegis á árinu eru tæpir fimm milljarðar og starfsmenn um 200 talsins hér á landi.