Steingrímur og Þuríður efst í forvali VG í NA-kjördæmi

Steingrímur J. Sigfússon, formaður Vinstri - grænna, leiðir lista flokksins í Norðausturkjördæmi fyrir komandi þingksningar en hann varð efstur í forvali flokksins í kjördæminum sem fram fór nú í nóvember. Hinn þingmaður Vinstri - grænna í kjördæminu, Þuríður Backman, er í öðru sæti listans og Björn Valur Gíslason, sjómaður á Ólafsfirði, í því þriðja. Í fjórða sæti er Hlynur Hallsson, listamaður og varaþingmaður, Ingibjörg Hjartardóttir, rithöfundur í Dalvíkurbyggð, er fimmta og Jóhanna Gísladóttir, framkvæmdastjóri á Seyðisfirði er í sjötta sæti. Fram kemur í tilkynningu frá Vinstri - grænum að uppstillingarnefnd hefji nú vinnu að tillögu að framboðslista en hann verður lagður fyrir kjördæmisþing flokksins þann 10. desember til samþykktar.