Þrír menn skipulögðu smyglið 22. september 2007 00:01 Heimili Bjarna Lögreglan gerði húsleit á heimili hans að Skúlaskeiði á sama tíma og umfangsmikil lögregluaðgerð fór fram á Fáskrúðsfirði.fréttablaðið/rósa Átta manns eru í haldi lögreglu í þremur löndum í tengslum við rannsókn á stórfelldu fíkniefnasmygli er upp komst um á Fáskrúðsfirði á fimmtudag. Rúmlega sextíu kíló af amfetamíni fundust þá í skútu við höfnina á Fáskrúðsfirði sem siglt var til landsins frá Stavanger í Noregi, með viðkomu í Danmörku og Færeyjum. Pari í Danmörku, sem handtekið var í gær, hefur verið sleppt. Lítilræði af fíkniefnum fannst við húsleit á heimili fólksins en það er ekki talið tengjast skipulagningu smyglsins. Tveir menn í Færeyjum, 23 ára Íslendingur og 24 ára Dani, eru í haldi lögreglu en tvö kíló af amfetamíni fundust í fórum þeirra. Þeir voru handteknir rétt fyrir klukkan sjö að kvöldi á fimmtudag í nágrenni Þórshafnar, höfuðstaðar Færeyja. Skýrslutökur vegna málsins eru ekki langt komnar og rannsókn málsins er enn á frumstigi, samkvæmt upplýsingum frá Friðriki Smára Björgvinssyni yfirlögregluþjóni. SkipuleggjendurnirFagurey í höfn í Sandgerði Lögreglan leitaði fíkniefna í bátnum Fagurey HF-21, sem er í eigu Bjarna Hrafnkelssonar, að morgni fimmtudags. Engin efni fundust í bátnum en lögreglan telur Bjarna vera einn þriggja manna sem standa á bak við smyglið, samkvæmt heimildum Fréttablaðsins.fréttablaðið/rósaFimm eru enn í haldi lögreglunnar hér á landi, tveir í Færeyjum og einn í Noregi. Samkvæmt heimildum Fréttablaðsins eru Bjarni Hrafnkelsson, 35 ára Hafnfirðingur, og bræðurnir Logi Freyr Einarsson, 30 ára, og Einar Jökull Einarsson, 27 ára, taldir vera skipuleggjendur innflutningsins. Bjarni var árið 1994 dæmdur í átta mánaða fangelsi fyrir þátttöku í innflutningi á hassi. Guðbjarni Traustason og Alvar Óskarsson, báðir 25 ára, sigldu skútunni til landsins með efnin innanborðs. Þeir hafa áður komið við sögu lögreglu. Logi Freyr er í haldi norsku lögreglunnar en hann var handtekinn á heimili sínu í Stavanger um tvöleytið á fimmtudag, samkvæmt upplýsingum frá Ernst Rosenberg hjá norsku lögreglunni. Lögreglan gerði húsleit hjá Bjarna snemma morguns á fimmtudag, á sama tíma og umfangsmikil lögregluaðgerð fór fram á Fáskrúðsfirði. Lítilræði af kannabisefnum fannst á heimili hans en lögreglan leitaði einnig í báti Bjarna, Fagurey HF-21, þar sem hann lá við höfnina í Sandgerði. Engin efni fundust í bátnum. Einar Jökull Einarsson var handtekinn á heimili sínu í Reykjavík en engin fíkniefni fundust þar. Bæði Bjarni og Einar Jökull hafa neitað sök og hafa kært gæsluvarðhaldsúrskurðinn til Hæstaréttar. Samkvæmt upplýsingum Fréttablaðsins hefur lögreglan fylgst náið með þeim um margra mánaða skeið og byggði krafan um gæsluvarðhald til 18. október á því. Sterkt efni – mikið umfangAlls voru rúmlega 60 kíló af fíkniefnum í skútunni á Fáskrúðsfirði, þar af um fjórtán kíló af e-töfludufti, um 1.800 e-töflur og 45 kíló af amfetamíndufti. Fyrstu athuganir á efninu leiddu í ljós að það væri mjög hreint, samkvæmt upplýsingum frá lögreglu. Forsvarsmenn lögreglunnar buðu blaðamönnum að spyrja út í málið á blaðamannafundi en svöruðu engri spurningu efnislega vegna rannsóknarhagsmuna, þar á meðal hvar talið væri að amfetamínið væri upprunnið. Lögreglan hefur þegar gert fimm húsleitir á Íslandi vegna málsins, þar á meðal í bátum í Reykjavíkurhöfn og í Sandgerðishöfn. Skútan sem efnin fundust í var flutt í gær landleiðina frá Fáskrúðsfirði til höfuðborgarsvæðisins til frekari rannsókna. Var komið með hana suður í gærkvöldi. Skútan var leigð í Noregi en kaupverð nýrrar slíkrar er um sex milljónir króna. Vinna enn erlendisÍslenskir lögreglumenn í fíkniefnadeild lögreglunnar á höfuðborgarsvæðinu hafa unnið að málinu erlendis undanfarna mánuði og munu gera það áfram. Eins og greint var frá í Fréttablaðinu í gær hóf lögreglan að rannsaka málið í fyrra en það hefur verið unnið í samvinnu við lögregluyfirvöld í Noregi, Danmörku, Færeyjum, Þýskalandi og Hollandi. Fíkniefnadeild lögreglunnar á höfuðborgarsvæðinu hefur stýrt rannsókninni. Friðrik Smári Björgvinsson, yfirlögregluþjónn í rannsóknardeild, Karl Steinar Valsson, aðstoðaryfirlögregluþjónn og yfirmaður fíkniefnadeildar, og Hulda María Stefánsdóttir aðstoðarsaksóknari hafa borið hitann og þungann af rannsókninni, að því er fram kom í máli Stefáns Eiríkssonar, lögreglustjóra höfuðborgarsvæðisins, í gær. Meira en sjötíu manns tóku þátt í umfangsmikilli lögregluaðgerð á Fáskrúðsfirði á fimmtudagsmorgun. Lögregluyfirvöld í Danmörku, Noregi og Færeyjum voru þá í viðbragðsstöðu en samþætting íslenskra og erlendra lögreglustofnana var í höndum Arnars Jenssonar, fulltrúa Íslands í höfuðstöðvum Europol. Hann hefur starfað þar frá því um áramót. magnush@frettabladid.is Pólstjörnumálið Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent Sagði foreldrana líklega hafa dottið í aðdraganda andlátsins Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Sakar sveitastjórann um atvinnuróg og „kæfandi klámhögg“ Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent „Clinton áætlunin“ líklega tilbúningur rússneskra njósnara Erlent Fleiri fréttir Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Sjá meira
Átta manns eru í haldi lögreglu í þremur löndum í tengslum við rannsókn á stórfelldu fíkniefnasmygli er upp komst um á Fáskrúðsfirði á fimmtudag. Rúmlega sextíu kíló af amfetamíni fundust þá í skútu við höfnina á Fáskrúðsfirði sem siglt var til landsins frá Stavanger í Noregi, með viðkomu í Danmörku og Færeyjum. Pari í Danmörku, sem handtekið var í gær, hefur verið sleppt. Lítilræði af fíkniefnum fannst við húsleit á heimili fólksins en það er ekki talið tengjast skipulagningu smyglsins. Tveir menn í Færeyjum, 23 ára Íslendingur og 24 ára Dani, eru í haldi lögreglu en tvö kíló af amfetamíni fundust í fórum þeirra. Þeir voru handteknir rétt fyrir klukkan sjö að kvöldi á fimmtudag í nágrenni Þórshafnar, höfuðstaðar Færeyja. Skýrslutökur vegna málsins eru ekki langt komnar og rannsókn málsins er enn á frumstigi, samkvæmt upplýsingum frá Friðriki Smára Björgvinssyni yfirlögregluþjóni. SkipuleggjendurnirFagurey í höfn í Sandgerði Lögreglan leitaði fíkniefna í bátnum Fagurey HF-21, sem er í eigu Bjarna Hrafnkelssonar, að morgni fimmtudags. Engin efni fundust í bátnum en lögreglan telur Bjarna vera einn þriggja manna sem standa á bak við smyglið, samkvæmt heimildum Fréttablaðsins.fréttablaðið/rósaFimm eru enn í haldi lögreglunnar hér á landi, tveir í Færeyjum og einn í Noregi. Samkvæmt heimildum Fréttablaðsins eru Bjarni Hrafnkelsson, 35 ára Hafnfirðingur, og bræðurnir Logi Freyr Einarsson, 30 ára, og Einar Jökull Einarsson, 27 ára, taldir vera skipuleggjendur innflutningsins. Bjarni var árið 1994 dæmdur í átta mánaða fangelsi fyrir þátttöku í innflutningi á hassi. Guðbjarni Traustason og Alvar Óskarsson, báðir 25 ára, sigldu skútunni til landsins með efnin innanborðs. Þeir hafa áður komið við sögu lögreglu. Logi Freyr er í haldi norsku lögreglunnar en hann var handtekinn á heimili sínu í Stavanger um tvöleytið á fimmtudag, samkvæmt upplýsingum frá Ernst Rosenberg hjá norsku lögreglunni. Lögreglan gerði húsleit hjá Bjarna snemma morguns á fimmtudag, á sama tíma og umfangsmikil lögregluaðgerð fór fram á Fáskrúðsfirði. Lítilræði af kannabisefnum fannst á heimili hans en lögreglan leitaði einnig í báti Bjarna, Fagurey HF-21, þar sem hann lá við höfnina í Sandgerði. Engin efni fundust í bátnum. Einar Jökull Einarsson var handtekinn á heimili sínu í Reykjavík en engin fíkniefni fundust þar. Bæði Bjarni og Einar Jökull hafa neitað sök og hafa kært gæsluvarðhaldsúrskurðinn til Hæstaréttar. Samkvæmt upplýsingum Fréttablaðsins hefur lögreglan fylgst náið með þeim um margra mánaða skeið og byggði krafan um gæsluvarðhald til 18. október á því. Sterkt efni – mikið umfangAlls voru rúmlega 60 kíló af fíkniefnum í skútunni á Fáskrúðsfirði, þar af um fjórtán kíló af e-töfludufti, um 1.800 e-töflur og 45 kíló af amfetamíndufti. Fyrstu athuganir á efninu leiddu í ljós að það væri mjög hreint, samkvæmt upplýsingum frá lögreglu. Forsvarsmenn lögreglunnar buðu blaðamönnum að spyrja út í málið á blaðamannafundi en svöruðu engri spurningu efnislega vegna rannsóknarhagsmuna, þar á meðal hvar talið væri að amfetamínið væri upprunnið. Lögreglan hefur þegar gert fimm húsleitir á Íslandi vegna málsins, þar á meðal í bátum í Reykjavíkurhöfn og í Sandgerðishöfn. Skútan sem efnin fundust í var flutt í gær landleiðina frá Fáskrúðsfirði til höfuðborgarsvæðisins til frekari rannsókna. Var komið með hana suður í gærkvöldi. Skútan var leigð í Noregi en kaupverð nýrrar slíkrar er um sex milljónir króna. Vinna enn erlendisÍslenskir lögreglumenn í fíkniefnadeild lögreglunnar á höfuðborgarsvæðinu hafa unnið að málinu erlendis undanfarna mánuði og munu gera það áfram. Eins og greint var frá í Fréttablaðinu í gær hóf lögreglan að rannsaka málið í fyrra en það hefur verið unnið í samvinnu við lögregluyfirvöld í Noregi, Danmörku, Færeyjum, Þýskalandi og Hollandi. Fíkniefnadeild lögreglunnar á höfuðborgarsvæðinu hefur stýrt rannsókninni. Friðrik Smári Björgvinsson, yfirlögregluþjónn í rannsóknardeild, Karl Steinar Valsson, aðstoðaryfirlögregluþjónn og yfirmaður fíkniefnadeildar, og Hulda María Stefánsdóttir aðstoðarsaksóknari hafa borið hitann og þungann af rannsókninni, að því er fram kom í máli Stefáns Eiríkssonar, lögreglustjóra höfuðborgarsvæðisins, í gær. Meira en sjötíu manns tóku þátt í umfangsmikilli lögregluaðgerð á Fáskrúðsfirði á fimmtudagsmorgun. Lögregluyfirvöld í Danmörku, Noregi og Færeyjum voru þá í viðbragðsstöðu en samþætting íslenskra og erlendra lögreglustofnana var í höndum Arnars Jenssonar, fulltrúa Íslands í höfuðstöðvum Europol. Hann hefur starfað þar frá því um áramót. magnush@frettabladid.is
Pólstjörnumálið Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent Sagði foreldrana líklega hafa dottið í aðdraganda andlátsins Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Sakar sveitastjórann um atvinnuróg og „kæfandi klámhögg“ Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent „Clinton áætlunin“ líklega tilbúningur rússneskra njósnara Erlent Fleiri fréttir Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Sjá meira