Njarðvík hafði betur í grannaslagnum

Njarðvík endurheimti toppsætið í Iceland-Express deild karla í kvöld með góðum útisigri á grönnum sínum og erkifjendum í Keflavík, 70-83. Þá vann Skallagrímur öruggan sigur á Haukum í Borgarnesi, 122-106, og tryggði stöðu sína í þriðja sæti deildarinnar.

Njarðvík er nú komið með 32 stig, tveimur stigum meira en KR-ingar sem eru í öðru sæti. Skallagrímur er í þriðja sæti með 28 stig en Snæfell í fjórða með 26 stig. Þessi lið bera nokkuð af í deildinni en Keflavík er í fimmta sæti með 20 stig.