Þetta er mjög mikið áfall

„Þetta er mjög mikið áfall," sagði Jón Sigurðsson, formaður Framsóknarflokksins, um fyrstu tölur í þingkosningunum en samkvæmt þeim hefur flokkurinn tapað fimm þingmönnum og mælist með 11,14 prósents fylgi. Fær hann sjö þingmenn og er Jón inni.

Jón sagði að framsóknarmenn hefðu að hluta til verið búnir undir þetta þar sem skoðanakannanir hefðu gefið ákveðnar vísbendingar og aðspurður sagði hann stöðuna að einhverju leyti sér að kenna. „ Við þurfum að byrja endurskoðun," sagði Jón Sigurðsson, formaður Framsóknarflokksins.