Ísland sigraði eftir slagsmálaleik

Íslenska körfuboltalandsliðið fór með sigur af hólmi á Smáþjóðaleikunum í Mónakó og tryggði sér endanlega sigurinn með sigri á Kýpur í dag. Lið Kýpur var yfir í leiknum þegar skammt var til leiksloka, en þá misstu leikmenn liðsins stjórn á skapi sínu og kom til slagsmála í lokin. Íslenska liðinu var dæmdur 20-0 sigur í leiknum og vann því alla leiki sína í mótinu.

Á heimasíðu KKÍ er haft eftir Hannesi Jónssyni formanni KKÍ að lið Kýpur hafi spilað gróflega frá fyrstu mínútu og en íslensku leikmennirnir hafi ekki látið það á sig fá. Sagt er að mótsnefnd leikanna sé að funda um hvort lið Kýpur haldi þriðja sætinu á mótinu eða hvort því verði hreinlega vísað úr keppni.