Vísir verður í Grindavík

Fjórir leikir fara fram í Iceland Express-deild karla í kvöld og mun Vísir fylgjast sérstaklega með gangi mála í leik Grindavíkur og KR.

Um er að ræða stórslag í deildinni en báðum liðum hefur verið spáð góðu gengi í deildinni í vetur. 

Grindavík steinlá í Keflavík í fyrstu umferðinni á meðan að KR-ingar fóru heldur létt með Fjölni á heimavelli.

Leikurinn hefst klukkan 19.15 í kvöld en aðrir leikir á dagskrá í kvöld eru:

Skallagrímur - Hamar í Borgarnesi

Þór, Akureyri - Njarðvík í Síðuskóla

ÍR - Tindastóll í Seljaskóla