FL Group hreinsar út fortíðardrauga fyrir framtíðina 20. febrúar 2008 00:01 Nýr forstjóri skoðar uppgjörið Jón Ásgeir Jóhannesson, stjórnarformaður FL Group, og Jón Sigurðsson forstjóri skoða uppgjörið á kynningarfundi í síðustu viku.Markaðurinn/Anton Við höfum spilað vörn, tekið skrefið aftur á bak til að byggja betri grunn, treysta stoðirnar til að vinna út frá og fínstilla reksturinn sem gerir okkur kleift að nýta tækifærin sem hafa orðið til. Þeir sem komast í gegnum erfiðleikana standa sterkir eftir,“ segir Jón Sigurðsson, forstjóri FL Group. Jón kynnti í síðustu viku sitt fyrsta uppgjör. Vart öfundsverður af hlutskiptinu því uppgjörið sýndi tap upp á 67 milljarða króna, eitt mesta tap hjá íslensku fyrirtæki til þessa. Tífalt meira en Dagsbrún skilaði af sér fyrir tveimur árum, sem þá skipaði fyrsta sætið. Markaðsaðilar eru almennt - þrátt fyrir ýmsa fyrirvara - sammála um að FL Group hafi gengið hreint til verks í uppgjörinu og benda á að 32 prósenta eign félagsins í Glitni sé færð til bókar á markaðsvirði í stað hlutdeildaraðferðar. Markaðsvirðið hafi keyrt afkomuna niður en hefði hinni aðferðinni verið beitt mætti ætla að tapið hefði orðið á bilinu 20 til 30 milljörðum krónum minna. Hlutskipti Jóns er vart öfundsvert en hann tók við forstjórastólnum eftir að mjög tók að þrengja um stærstu hluthafa félagsins í kjölfar mikillar gengislækkunar á hlutabréfamarkaði. Sviptingar urðu í hluthafahópnum í kjölfarið og greip félagið til þess að selja stórar stöður í erlendum félögum sem höfðu lækkað mikið í verði. Þar á meðal hafði mjög saxast á hlut félagsins í bandarísku flugrekstrarsamstæðunni AMR og í hinum þýska Commerzbank. Til tíðinda þótti þegar FL Group flaggaði tæpum sex prósenta hlut í AMR skömmu fyrir þarsíðustu áramót og varði félagið háum fjárhæðum og ærnum tilkostnaði til að fá kröfum sínum framgengt þar innandyra í fyrra. Árangurinn var lítill og ákvað félagið að losa um eignir í skugga niðursveiflu á hlutabréfamörkuðum samhliða háum olíuverði sem snerti mjög við afkomu flugrekstrarfélagsins. Svipaða sögu var að segja af öðrum fjárfestingum FL Group sem gengu ekki eftir á síðasta ári. Mikil umsvif í fjárfestingum félagsins skiluðu sér í háum rekstrarkostnaði: 6,1 milljarðar króna.niðurskurðarhnífur á loftiMálin rædd næturlangt Jóhannes Jónsson í Bónus utan við húsnæði Fons og ræðir við Pálma Haraldsson í dyrunum þegar kom til sviptinga í hluthafahópi FL Group í byrjun desember í fyrra.Markaðurinn/BjörginÞeir Jón Sigurðsson, forstjóri FL Group, og Jón Ásgeir Jóhannesson, stjórnarformaður þess, boðuðu báðir á fjölmennum uppgjörsfundi fyrir viku að framundan væri mikill niðurskurður á kostnaðinum. Stefnan er að skera kostnað niður um helming hið minnsta.Forstjórinn segir hraða uppbyggingu FL Group síðastliðin ár skýra háan rekstrarkostnað í fyrra. Félagið hafi flutt inn í nýjar höfuðstöðvar síðla hausts í fyrra auk þess sem skrifstofa var opnuð í Lundúnum í Bretlandi og annarri lokað í Kaupmannahöfn í Danmörku. Þá hafi félagið borið eftirlaunaskuldbindingar frá Flugleiða-tímanum á bakinu auk kostnaðar vegna starfsloka, m.a. vegna lokunar skrifstofu félagsins í Kaupmannahöfn. Þar er líka starfslokasamningur Hannesar Smárasonar, fyrrum forstjóra, uppá níutíu milljónir króna. Allt er þetta einskiptikostnaður sem ekki falli í bækur FL Group á næstu árum, að sögn Jóns. Jón bendir líka á að setja verði rekstrarkostnað félagsins í samhengi við mikil umsvif í kringum eignsafn sem nam 422 milljórðum í árslok 2007.Samkeppnishæf launLaunakostnaðurinn í fyrra nam 701 milljón króna sem deilist á 40 starfsmenn. Það geri 1,5 milljónir á mann að meðaltali á mánuði, með launatengdum gjöldum. „Laun í þessum geira eru há og því tel ég að við greiðum sambærileg laun og hjá öðrum fyrirtækjum í sama geira,“ segir Jón og bætir við að nauðsynlegt hafi verið, í sókn síðustu ára, að bjóða vel í góða starfskrafta, bæði íslenska sem erlenda. „Við erum með mjög gott fólk, “ segir hann. Dregið úr styrkveitingumFL Group hefur í ofanálag styrkt veglega við ýmis verkefni og málefni. Svo sem við Unicef, BUGL (Barna- og unglingageðdeild Landsspítalans), Mænuskaðastofnun Íslands, Tónvís og Sinfóníuhljómsveit Íslands, auk margra smærri málefna. Verkefnin eru flest hver bundin til ákveðins tíma. Kostnaður við verkefnin hefur ekki komið fram í ársreikningum FL Group til þessa.Stefnan er að draga mjög úr smærri styrkjum og einblína á stærri málefnin.Stærsti liðurinn í rekstrarkostnaði FL Group í fyrra voru útgjöld í tengslum við stór yfirtökuverkefni, svo sem í bandarísku flugrekstrarsamstæðunni AMR og stórar stöðutökur í öðrum erlendum stórfyrirtækjum, svo sem í Commerzbank, sem sumar hverjar skiluðu ekki því sem sóst var eftir. Eins og áður hefur komið fram hóf FL Group að losa um stöður sínar bæði í AMR og Commerzbank þegar niðursveifla af hlutabréfamörkuðum komu fram af fullum þunga. Félagið beitti fyrir sig ýmsum vörnum, svo sem með skortsölu á hlutabréf í öðrum bandarískum flugfélögum til að verjast lækkun á gengi AMR. „Þetta voru aðeins erlend hlutabréf sem við skortseldum, meðal annars í bandarískum,“ segir Jón.Yfirtökutilraunir á breska hugbúnaðarfyrirtækinu Inspired Gaming Group, sem gekk ekki eftir, setti sömuleiðis strik í reikninginn. Yfirtökutilraunirnar skýra að mestu kostnað við fjárfestingar upp á 1,3 milljarða króna. „„Við vorum komin langt í ferlinu og þá fellur til hár sérfræðikostnaður ásamt öðru,“ segir Jón en bendir á að kostnaðurinn varðandi AMR og breytinga á rekstri félagsins vegi þungt auk svipaðra verkefna sem aldrei urðu opinber. „Það er ljóst að þetta var mjög sveiflukennt ár og mjög stórir póstar sem féllu til sem við reiknum ekki með að komi aftur.“Ekki þörf fyrir einkaþoturÞreifingar FL Group í Bandaríkjunum og Evrópu í fyrra kröfðust mikilla ferðalaga landa á milli. Jón vill ekki gera mikið úr umræðum um einkaþotur, sem notaðar hafa verið í viðskiptaerindum víða um heim í nafni félagsins. „Í sumum tilfellum notuðu menn einkaþotur og hluti af kostnaðinum fellur til vegna slíkra ferða,“ segir Jón en áréttar að ekki hafi verið nauðsyn fyrir slíkar ferðir síðustu mánuðina.Aðspurður um framtíðina segir Jón: „Ég held að þegar við höfum siglt í gegnum þetta tímabil erfiðleika þá verðum við vel í stakk búin til að hagnast á því þegar markaðir jafna sig. Við erum að undirbúa skútuna fyrir framhaldið. Það er markmið okkar að árið skili hagnaði.“ Fréttaskýringar Undir smásjánni Mest lesið Arnar Þór og Unnur Lilja skipta búi Play Viðskipti innlent Segir ekki honum að kenna að Play hafi farið á hausinn Viðskipti innlent Leik lokið hjá Play Viðskipti innlent „Það er svo langt síðan að við höfðum ekki trú á Play“ Viðskipti innlent Kalla ráðherra og forstjóra Samgöngustofu fyrir samgöngunefnd Viðskipti innlent Hrun í makríl og kolmunna Viðskipti innlent Fallið frá kröfum um neyðarfjarskipti á hálendinu Viðskipti innlent „Skrifast ekki á okkur að það hafi farið eins og er farið“ Viðskipti innlent Hækkun flugfargjalda muni skila sér í meiri verðbólgu Viðskipti innlent Play með sex prósent flugsæta til og frá landinu Viðskipti innlent Fleiri fréttir „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Play kvartaði undan Icelandair þremur vikum fyrir gjaldþrot Loka Kristjánsbakaríi Hætta rekstri tveggja skipa í hagræðingarskyni Engin ást eftir milli flugmanna og stjórnenda Sömu miðarnir kosti nú 370 þúsund Koma fólkinu heim með fimmtán milljóna króna leiguflugi Fargjöld ekki hækkuð af ásettu ráði Samgöngustofa fundaði nýlega með Play og fékk gögn frá KPMG „Við erum ekki með öll eggin í sömu körfu“ „Hver fyrir sig hvað það varðar“ Farþegar Play í Keflavík klóra sér í kollinum Ráðin sölu- og markaðsstjóri hjá Alfreð Sjá meira
Við höfum spilað vörn, tekið skrefið aftur á bak til að byggja betri grunn, treysta stoðirnar til að vinna út frá og fínstilla reksturinn sem gerir okkur kleift að nýta tækifærin sem hafa orðið til. Þeir sem komast í gegnum erfiðleikana standa sterkir eftir,“ segir Jón Sigurðsson, forstjóri FL Group. Jón kynnti í síðustu viku sitt fyrsta uppgjör. Vart öfundsverður af hlutskiptinu því uppgjörið sýndi tap upp á 67 milljarða króna, eitt mesta tap hjá íslensku fyrirtæki til þessa. Tífalt meira en Dagsbrún skilaði af sér fyrir tveimur árum, sem þá skipaði fyrsta sætið. Markaðsaðilar eru almennt - þrátt fyrir ýmsa fyrirvara - sammála um að FL Group hafi gengið hreint til verks í uppgjörinu og benda á að 32 prósenta eign félagsins í Glitni sé færð til bókar á markaðsvirði í stað hlutdeildaraðferðar. Markaðsvirðið hafi keyrt afkomuna niður en hefði hinni aðferðinni verið beitt mætti ætla að tapið hefði orðið á bilinu 20 til 30 milljörðum krónum minna. Hlutskipti Jóns er vart öfundsvert en hann tók við forstjórastólnum eftir að mjög tók að þrengja um stærstu hluthafa félagsins í kjölfar mikillar gengislækkunar á hlutabréfamarkaði. Sviptingar urðu í hluthafahópnum í kjölfarið og greip félagið til þess að selja stórar stöður í erlendum félögum sem höfðu lækkað mikið í verði. Þar á meðal hafði mjög saxast á hlut félagsins í bandarísku flugrekstrarsamstæðunni AMR og í hinum þýska Commerzbank. Til tíðinda þótti þegar FL Group flaggaði tæpum sex prósenta hlut í AMR skömmu fyrir þarsíðustu áramót og varði félagið háum fjárhæðum og ærnum tilkostnaði til að fá kröfum sínum framgengt þar innandyra í fyrra. Árangurinn var lítill og ákvað félagið að losa um eignir í skugga niðursveiflu á hlutabréfamörkuðum samhliða háum olíuverði sem snerti mjög við afkomu flugrekstrarfélagsins. Svipaða sögu var að segja af öðrum fjárfestingum FL Group sem gengu ekki eftir á síðasta ári. Mikil umsvif í fjárfestingum félagsins skiluðu sér í háum rekstrarkostnaði: 6,1 milljarðar króna.niðurskurðarhnífur á loftiMálin rædd næturlangt Jóhannes Jónsson í Bónus utan við húsnæði Fons og ræðir við Pálma Haraldsson í dyrunum þegar kom til sviptinga í hluthafahópi FL Group í byrjun desember í fyrra.Markaðurinn/BjörginÞeir Jón Sigurðsson, forstjóri FL Group, og Jón Ásgeir Jóhannesson, stjórnarformaður þess, boðuðu báðir á fjölmennum uppgjörsfundi fyrir viku að framundan væri mikill niðurskurður á kostnaðinum. Stefnan er að skera kostnað niður um helming hið minnsta.Forstjórinn segir hraða uppbyggingu FL Group síðastliðin ár skýra háan rekstrarkostnað í fyrra. Félagið hafi flutt inn í nýjar höfuðstöðvar síðla hausts í fyrra auk þess sem skrifstofa var opnuð í Lundúnum í Bretlandi og annarri lokað í Kaupmannahöfn í Danmörku. Þá hafi félagið borið eftirlaunaskuldbindingar frá Flugleiða-tímanum á bakinu auk kostnaðar vegna starfsloka, m.a. vegna lokunar skrifstofu félagsins í Kaupmannahöfn. Þar er líka starfslokasamningur Hannesar Smárasonar, fyrrum forstjóra, uppá níutíu milljónir króna. Allt er þetta einskiptikostnaður sem ekki falli í bækur FL Group á næstu árum, að sögn Jóns. Jón bendir líka á að setja verði rekstrarkostnað félagsins í samhengi við mikil umsvif í kringum eignsafn sem nam 422 milljórðum í árslok 2007.Samkeppnishæf launLaunakostnaðurinn í fyrra nam 701 milljón króna sem deilist á 40 starfsmenn. Það geri 1,5 milljónir á mann að meðaltali á mánuði, með launatengdum gjöldum. „Laun í þessum geira eru há og því tel ég að við greiðum sambærileg laun og hjá öðrum fyrirtækjum í sama geira,“ segir Jón og bætir við að nauðsynlegt hafi verið, í sókn síðustu ára, að bjóða vel í góða starfskrafta, bæði íslenska sem erlenda. „Við erum með mjög gott fólk, “ segir hann. Dregið úr styrkveitingumFL Group hefur í ofanálag styrkt veglega við ýmis verkefni og málefni. Svo sem við Unicef, BUGL (Barna- og unglingageðdeild Landsspítalans), Mænuskaðastofnun Íslands, Tónvís og Sinfóníuhljómsveit Íslands, auk margra smærri málefna. Verkefnin eru flest hver bundin til ákveðins tíma. Kostnaður við verkefnin hefur ekki komið fram í ársreikningum FL Group til þessa.Stefnan er að draga mjög úr smærri styrkjum og einblína á stærri málefnin.Stærsti liðurinn í rekstrarkostnaði FL Group í fyrra voru útgjöld í tengslum við stór yfirtökuverkefni, svo sem í bandarísku flugrekstrarsamstæðunni AMR og stórar stöðutökur í öðrum erlendum stórfyrirtækjum, svo sem í Commerzbank, sem sumar hverjar skiluðu ekki því sem sóst var eftir. Eins og áður hefur komið fram hóf FL Group að losa um stöður sínar bæði í AMR og Commerzbank þegar niðursveifla af hlutabréfamörkuðum komu fram af fullum þunga. Félagið beitti fyrir sig ýmsum vörnum, svo sem með skortsölu á hlutabréf í öðrum bandarískum flugfélögum til að verjast lækkun á gengi AMR. „Þetta voru aðeins erlend hlutabréf sem við skortseldum, meðal annars í bandarískum,“ segir Jón.Yfirtökutilraunir á breska hugbúnaðarfyrirtækinu Inspired Gaming Group, sem gekk ekki eftir, setti sömuleiðis strik í reikninginn. Yfirtökutilraunirnar skýra að mestu kostnað við fjárfestingar upp á 1,3 milljarða króna. „„Við vorum komin langt í ferlinu og þá fellur til hár sérfræðikostnaður ásamt öðru,“ segir Jón en bendir á að kostnaðurinn varðandi AMR og breytinga á rekstri félagsins vegi þungt auk svipaðra verkefna sem aldrei urðu opinber. „Það er ljóst að þetta var mjög sveiflukennt ár og mjög stórir póstar sem féllu til sem við reiknum ekki með að komi aftur.“Ekki þörf fyrir einkaþoturÞreifingar FL Group í Bandaríkjunum og Evrópu í fyrra kröfðust mikilla ferðalaga landa á milli. Jón vill ekki gera mikið úr umræðum um einkaþotur, sem notaðar hafa verið í viðskiptaerindum víða um heim í nafni félagsins. „Í sumum tilfellum notuðu menn einkaþotur og hluti af kostnaðinum fellur til vegna slíkra ferða,“ segir Jón en áréttar að ekki hafi verið nauðsyn fyrir slíkar ferðir síðustu mánuðina.Aðspurður um framtíðina segir Jón: „Ég held að þegar við höfum siglt í gegnum þetta tímabil erfiðleika þá verðum við vel í stakk búin til að hagnast á því þegar markaðir jafna sig. Við erum að undirbúa skútuna fyrir framhaldið. Það er markmið okkar að árið skili hagnaði.“
Fréttaskýringar Undir smásjánni Mest lesið Arnar Þór og Unnur Lilja skipta búi Play Viðskipti innlent Segir ekki honum að kenna að Play hafi farið á hausinn Viðskipti innlent Leik lokið hjá Play Viðskipti innlent „Það er svo langt síðan að við höfðum ekki trú á Play“ Viðskipti innlent Kalla ráðherra og forstjóra Samgöngustofu fyrir samgöngunefnd Viðskipti innlent Hrun í makríl og kolmunna Viðskipti innlent Fallið frá kröfum um neyðarfjarskipti á hálendinu Viðskipti innlent „Skrifast ekki á okkur að það hafi farið eins og er farið“ Viðskipti innlent Hækkun flugfargjalda muni skila sér í meiri verðbólgu Viðskipti innlent Play með sex prósent flugsæta til og frá landinu Viðskipti innlent Fleiri fréttir „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Play kvartaði undan Icelandair þremur vikum fyrir gjaldþrot Loka Kristjánsbakaríi Hætta rekstri tveggja skipa í hagræðingarskyni Engin ást eftir milli flugmanna og stjórnenda Sömu miðarnir kosti nú 370 þúsund Koma fólkinu heim með fimmtán milljóna króna leiguflugi Fargjöld ekki hækkuð af ásettu ráði Samgöngustofa fundaði nýlega með Play og fékk gögn frá KPMG „Við erum ekki með öll eggin í sömu körfu“ „Hver fyrir sig hvað það varðar“ Farþegar Play í Keflavík klóra sér í kollinum Ráðin sölu- og markaðsstjóri hjá Alfreð Sjá meira