Einleikur Jóns Atla vekur athygli ytra 30. nóvember 2008 08:00 Verk sem á við Djúpið er einleikur Jóns Atla um mann sem lendir í sjóskaða. Hann neyðist til að synda í land, eitthvað sem erlend leikhús telja lýsandi fyrir ástand Íslands um þessar mundir. MYND/fréttablaðið/Valli Jón Atli Jónasson frumsýnir eftir áramót einleik sinn Djúpið. Ingvar E. Sigurðsson fer þar með hlutverk manns sem lendir í skip-skaða og þarf að synda til lands. Á meðan sundinu stendur horfist skipbrotsmaðurinn í augu við það sem skiptir hann mestu máli í lífinu. Þrátt fyrir að Djúpið hafi ekki komið fyrir augu Íslendinga hafa erlendir aðilar sýnt því mikinn áhuga. Skosk, sænsk og dönsk leikhús hafa þegar tryggt sér sýningarréttinn og er verið að vinna í því að koma verkinu á dagskrá þar. „Þeim finnst þetta vera nokkurn veginn lýsandi fyrir stöðu íslensku þjóðarinnar um þessar mundir," segir Jón Atli í samtali við Fréttablaðið. Þetta verður í fyrsta skipti sem Jón Atli leikstýrir sjálfur. Hann viðurkennir að það sé hálfpartinn ástæðan fyrir skrifunum, hann hafi viljað reyna fyrir sér í leikstjórastólnum. „Annars gaukaði Reynir Lyngdal þessari hugmynd að mér fyrir um ári og þetta hefur verið að mallast í kollinum á mér síðan þá," útskýrir Jón. Sjálfur var leikskáldið til sjós á sínum „yngri" árum en segist aldrei hafa óttast að lenda í skipskaða. „Hins vegar voru menn með mér um borð sem sváfu í björgunarvestum," segir Jón Atli. Hann fer ekki dult með þá skoðun sína að sjóslys og mannskaðar úti á hafi markað djúp spor í íslenska sögu. „Þetta er eitthvað sem hefur fylgt íslensku þjóðinni, alveg frá því að við rerum út á opnum árabátum," segir Jón en í verkinu er ekki heldur gert lítið úr þætti kvenna í lífi sjómanna. „Það eru náttúrlega ekki bara mennirnir sem lögðu allt í sölurnar heldur líka eiginkonurnar. Konan keyrði manninn sinn niður á bryggju og hann fór á sjóinn. Hún sá síðan um að ala upp börnin, halda heimilinu gangandi og vann kannski sjálf í frystihúsinu." Jón Atli er sammála því að umhverfið sem nú er að rísa upp sé ákaflega frjór jarðvegur fyrir íslenska listamenn. Hann bætir því við að menn geti ekki horft framhjá öllum þeim breytingum sem hafa átt sér stað og munu eiga sér stað og verði að taka þær með í reikninginn. „Ég nefni bara sem dæmi að ég er að fara að sýna með Jóni Páli Eyjólfssyni og Halli Ingólfssyni í Borgarleikhúsinu eftir áramót. Við getum ekkert hundsað þessar breytingar og hvernig aðstæður hafa breyst síðan við skrifuðum undir samninginn. Þetta er jú bara eins og múrinn hafi fallið," segir Jón.-fgg Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp „Við munum ekki eldast saman“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Jón Atli Jónasson frumsýnir eftir áramót einleik sinn Djúpið. Ingvar E. Sigurðsson fer þar með hlutverk manns sem lendir í skip-skaða og þarf að synda til lands. Á meðan sundinu stendur horfist skipbrotsmaðurinn í augu við það sem skiptir hann mestu máli í lífinu. Þrátt fyrir að Djúpið hafi ekki komið fyrir augu Íslendinga hafa erlendir aðilar sýnt því mikinn áhuga. Skosk, sænsk og dönsk leikhús hafa þegar tryggt sér sýningarréttinn og er verið að vinna í því að koma verkinu á dagskrá þar. „Þeim finnst þetta vera nokkurn veginn lýsandi fyrir stöðu íslensku þjóðarinnar um þessar mundir," segir Jón Atli í samtali við Fréttablaðið. Þetta verður í fyrsta skipti sem Jón Atli leikstýrir sjálfur. Hann viðurkennir að það sé hálfpartinn ástæðan fyrir skrifunum, hann hafi viljað reyna fyrir sér í leikstjórastólnum. „Annars gaukaði Reynir Lyngdal þessari hugmynd að mér fyrir um ári og þetta hefur verið að mallast í kollinum á mér síðan þá," útskýrir Jón. Sjálfur var leikskáldið til sjós á sínum „yngri" árum en segist aldrei hafa óttast að lenda í skipskaða. „Hins vegar voru menn með mér um borð sem sváfu í björgunarvestum," segir Jón Atli. Hann fer ekki dult með þá skoðun sína að sjóslys og mannskaðar úti á hafi markað djúp spor í íslenska sögu. „Þetta er eitthvað sem hefur fylgt íslensku þjóðinni, alveg frá því að við rerum út á opnum árabátum," segir Jón en í verkinu er ekki heldur gert lítið úr þætti kvenna í lífi sjómanna. „Það eru náttúrlega ekki bara mennirnir sem lögðu allt í sölurnar heldur líka eiginkonurnar. Konan keyrði manninn sinn niður á bryggju og hann fór á sjóinn. Hún sá síðan um að ala upp börnin, halda heimilinu gangandi og vann kannski sjálf í frystihúsinu." Jón Atli er sammála því að umhverfið sem nú er að rísa upp sé ákaflega frjór jarðvegur fyrir íslenska listamenn. Hann bætir því við að menn geti ekki horft framhjá öllum þeim breytingum sem hafa átt sér stað og munu eiga sér stað og verði að taka þær með í reikninginn. „Ég nefni bara sem dæmi að ég er að fara að sýna með Jóni Páli Eyjólfssyni og Halli Ingólfssyni í Borgarleikhúsinu eftir áramót. Við getum ekkert hundsað þessar breytingar og hvernig aðstæður hafa breyst síðan við skrifuðum undir samninginn. Þetta er jú bara eins og múrinn hafi fallið," segir Jón.-fgg
Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp „Við munum ekki eldast saman“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira