BUGL nýtur góðs af Meistarakeppni KKÍ

Árleg Meistarakeppni KKÍ verður haldin um næstu helgi og eins og undanfarin ár verður allur ágóði af leikjunum látinn renna til góðgerðarmála.

Þessi háttur hefur verið hafður á síðan 1995 en í ár nýtur BUGL, Barna og unlgingageðdeild Landspítalans, góðs af átakinu.

Leikirnir fara fram í Toyota-höllinni í Keflavík á sunnudaginn. Í kvennaflokki mætast Keflavík og Grindavík en Keflavík og Snæfell í karlaflokki.

Miðaverð fyrir sextán ára og eldri er 1000 krónur en 500 krónur fyrir 6-15 ára. Börn fimm ára og yngri fá frían aðgang.