Gott að vera á útivöllum í undanúrslitum bikarsins

Báðir undanúrslitaleikir Lýsingarbikars karla í körfubolta unnust á útivöllum um helgina en Snæfellingar unnu þá frábæran 17 stiga sigur í Ljónagryfjunni í Njarðvík og Fjölnismenn snéru nánast töpuðum leik í sigur á síðustu fimm mínútunum í leik sínum við Skallagrím í Borgarnesi.

Fjölnir var 13 stigum undir þegar fimm mínútur voru eftir en vann lokakaflann 20-5 og tryggði sér sigur með því að skora fimm síðustu stigin.

Þetta var í annað skiptið á fjórum árum sem Grafarvogspiltar komast í Höllina og í bæði skiptin hafa þeir tryggt sér farseðilinn á útivelli því árið 2005 unnu þeir undanúrslita gegn Hamri/Selfoss í Hveragerði.

Það vekur vissulega athygli hversu illa heimaliðunum hefur tekið að komast í Höllina í undanúrslitaleikjum síðustu fimm ár. Frá og með árinu 2004 þá hafa útiliðin unnið 7 af 10 undanúrslitaleikjum þar af báða leikina árin 2004, 2005 og svo aftur í ár. Liðin þrjú sem hafa klárað heimaleiki sína eru Grindavík (2005), Keflavík (2005) og svo Hamar/Selfoss í fyrra.

Þegar er farið aðeins lengra aftur og skoaða úrslitin á þessarri öld (frá og með 2000) þá hafa útiliðin unnið 11 af 18 undanúrslitaleikjunum á nýrri öld en undanúrslitaleikirnir árin 2000 og 2001 unnust líka báðir á útivelli.

Undanúrslitaleikir bikarsins síðustu níu ár:

2000

Njarðvík-KR 80-84

Haukar-Grindavík 67-68

2001

Grindavík-ÍR 77-97

Keflavík-Hamar 94-99 (framlengt, 89-89)

2002

Njarðvík-Tindastóll 86-66

KR-Þór Akureyri 81-73



2003

Snæfell-Hamar 82-76

Keflavík-ÍR 95-81

2004

Snæfell-Njarðvík 69-74

Grindavík-Keflavík 97-107

2005

Breiðablik-Njarðvík 76-113

Hamar/Selfoss-Fjölnir 100-110

2006

Grindavík-Skallagrímur 97-87

Keflavík-Njarðvík 89-85

2007

Hamar/Selfoss-Keflavík 72-70

Grindavík-ÍR 91-95

2008

Njarðvík-Snæfell 77-94

Skallagrímur-Fjölnir 83-85

Samantekt:

Frá og með árinu 2004

Leikir 10

Heimasigrar 3 (30%)

Útisigrar 7 (70%)

Frá og með árinu 2000:

Leikir 18

Heimasigrar 7 (39%)

Útisigrar 11 (61%)