Kristrún frábær í sigri Hauka á KR

Einn leikur var á dagskrá í Iceland Express deild kvenna í körfubolta í dag. Haukar unnu stórsigur á KR á útivelli 72-53.

Kristrún Sigurjónsdóttir hjá Haukum átti frábæran leik í dag og skoraði 26 stig, hirti 9 fráköst, gaf 8 stoðsendingar og stal 8 boltum. Helena Hólm skoraði 11 stig og Ragna Brynjarsdóttir skoraði 10 stig og hirti 10 fráköst.

Hildur Sigurðardóttir skoraði 16 stig fyrir KR í dag og Sigrún Ámundadóttir skoraði 11 stig og hirti 16 fráköst.

Haukar hafa hlotið 6 stig eftir fjórar umferðir líkt og Valur og Keflavík, en Hamar er á toppnum með fullt hús stiga - 8 stig.