Morfís á bak við tjöldin: Afdrifaríkar breytingar á aðalfundi Viktor Orri Valgarðsson skrifar 13. október 2009 20:16 Það gengur á ýmsu í Morfís. Þriðjudaginn 29. September var aðalfundur Morfís haldinn í Verzlunarskóla Íslands. Fulltrúar aðildaskóla Morfís gerðu þar heiðarlega tilraun til að sætta deiluefni, ræða lagabreytingatillögur og kjósa í nýja stjórn Morfís. Má segja að eftir tveggja klukkustunda langan fund hafi þessum markmiðum verið náð í meginatriðum. Fundurinn hófst á ársskýrslu fráfarandi Morfísstjórnar sem lítið var deilt um en samþykkt var einróma að stjórn Morfís skyldi greiða sigurliði Verzlunarskóla Íslands sigurlaun upp á 120.000 krónur. Að því loknu var ráðist í lagabreytingatillögur. Tveggja dómara reglunni breytt í 50 stiga regluna Mikið var rætt um hina svokölluðu „tveggja dómara reglu“ sem innleidd var í lög Morfís síðasta vetur, réði úrslitum nokkurra keppna og olli miklu fjaðrafoki og deilum á tímabilinu. Reglan gengur út á það að sé lið stigahæst á dómblöðum tveggja dómara í keppni vinni það lið óháð heildarstigafjölda. Eftir langar umræður var lagabreytingatillaga fulltrúa MR samþykkt en hún kveður á um að „tveggja dómara reglan“ taki ekki gildi nema munur á liðum sé 50 stig eða meiri. Er það gert til að tryggja að hún gildi aðeins ef einn dómari dæmir verulega á skjön við hina tvo. Var mál manna að þetta væri ágætis málamiðlun en ekki skal loku fyrir það skotið að upp komi deiluefni um hana í vetur ef úrslit ráðast vegna hennar. Þótti einhverjum það t.d. skrítin tilhugsun að lið gæti bölvað dómara eftir keppni fyrir að gefa sér of mörg stig ef liðið skríður þannig yfir 50 stiga múrinn og tapar keppninni. Nýtt dómblað fellt og dómurum í úrslitum fjölgað Einnig voru lagðar fram tillögur til breytinga á dómblaði Morfís sem fólu í sér að bæta við liðnum „Rök“, láta liðinn „Afstöðu“ koma í stað svara / meðalstiga í framsöguræðu og jafna margföldun í þeim tilgangi að auka vægi umræðunnar og vægi frummælanda í stigagjöf auk þess að einfalda útreikninga á dómblaðinu. Eftir langar deilur var þessi tillaga felld með miklum meirihluta á þeim forsendum að hún kynni að sníða ræðuliðum of þröngan stakk, draga úr skemmtanagildi keppninnar og valda gamalreyndum dómurum hugarangri. Einnig var lögð fram tillaga um að í úrslitum Morfís skyldu dómarar vera fimm, með þeim rökstuðningi að það myndi draga úr líkunum á „dómaraskandal“ og „öfgadómurum“ með því að einangra „dómarafaktorinn“ og minnka vægi sérvisku dómara. Þótti sumum of mikil vinna fólgin í því fyrir lið að þurfa að semja um fimm dómara í úrslitum en þó var þessi tillaga samþykkt með meirihluta atkvæða. Nýtt verklag innleitt í lög Auk þessa voru samþykkt lög um að dómarar skyldu slá útreikninga sína í töflureiknisskjal í dómarahléi til að koma í veg fyrir vitlausa útreikninga á úrslitum. Samþykkt var einnig að stjórn Morfís skyldi hafa útreikningsskjal á heimasíðu sinni og setja dómblöð með úrslitum keppna á síðuna innan tveggja vikna frá keppnisdegi. Loks voru samþykkt lög sem kveða á um að stjórnin skuli leitast við að halda áreiðanlegt bókhald (fundargerðir, lagabreytingar, dómblöð, upptökur o.fl.) og mælst var til að vefsíðan yrði efld og að Morfís leitaðist eftir skrifstofu-aðstöðu. Ný stjórn Morfís kosin Að þessum löngu umræðum loknum var kosið í stjórn og var hún sjálfkjörin og samþykkt með meirihluta atkvæða. Stjórn Morfís veturinn 2009-2010 er svo skipuð: Formaður: Arnþór Axelsson, MR Framkvæmdastjóri: Bergur Theódórsson, FS Ritari: Kristín Dóra Ólafsdóttir, Verzló Meðstjórnandi: Óttar Hrafn Kjartansson, Kvennó Menntaskólar Morfís Mest lesið „Blessaður, þú ert með heilaæxli“ Lífið Lil Nas X laus gegn tryggingu Lífið Stiklusúpa: Eins gott að þið spöruðuð frídaga inn í haustið Leikjavísir Woody Allen segist enginn aðdáandi Pútíns Lífið Ein glæsilegasta leikkona landsins selur slotið Lífið Þetta eru keppendur Ungfrú Ísland Teen 2025 Lífið Will Smith sakaður um að falsa áhorfendur með gervigreind Lífið Skúli hannaði hof fyrir Grímu Lífið Lil Nas X ákærður fyrir brot á alríkislögum Lífið Hegðun Benedikts kom upp um bónorðið Lífið Fleiri fréttir Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Lil Nas X ákærður fyrir brot á alríkislögum Ljúffengir hafraklattar með kaffinu Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja 99 ára gömul tombóla á Borg í Grímsnesi og engin núll Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Sjá meira
Þriðjudaginn 29. September var aðalfundur Morfís haldinn í Verzlunarskóla Íslands. Fulltrúar aðildaskóla Morfís gerðu þar heiðarlega tilraun til að sætta deiluefni, ræða lagabreytingatillögur og kjósa í nýja stjórn Morfís. Má segja að eftir tveggja klukkustunda langan fund hafi þessum markmiðum verið náð í meginatriðum. Fundurinn hófst á ársskýrslu fráfarandi Morfísstjórnar sem lítið var deilt um en samþykkt var einróma að stjórn Morfís skyldi greiða sigurliði Verzlunarskóla Íslands sigurlaun upp á 120.000 krónur. Að því loknu var ráðist í lagabreytingatillögur. Tveggja dómara reglunni breytt í 50 stiga regluna Mikið var rætt um hina svokölluðu „tveggja dómara reglu“ sem innleidd var í lög Morfís síðasta vetur, réði úrslitum nokkurra keppna og olli miklu fjaðrafoki og deilum á tímabilinu. Reglan gengur út á það að sé lið stigahæst á dómblöðum tveggja dómara í keppni vinni það lið óháð heildarstigafjölda. Eftir langar umræður var lagabreytingatillaga fulltrúa MR samþykkt en hún kveður á um að „tveggja dómara reglan“ taki ekki gildi nema munur á liðum sé 50 stig eða meiri. Er það gert til að tryggja að hún gildi aðeins ef einn dómari dæmir verulega á skjön við hina tvo. Var mál manna að þetta væri ágætis málamiðlun en ekki skal loku fyrir það skotið að upp komi deiluefni um hana í vetur ef úrslit ráðast vegna hennar. Þótti einhverjum það t.d. skrítin tilhugsun að lið gæti bölvað dómara eftir keppni fyrir að gefa sér of mörg stig ef liðið skríður þannig yfir 50 stiga múrinn og tapar keppninni. Nýtt dómblað fellt og dómurum í úrslitum fjölgað Einnig voru lagðar fram tillögur til breytinga á dómblaði Morfís sem fólu í sér að bæta við liðnum „Rök“, láta liðinn „Afstöðu“ koma í stað svara / meðalstiga í framsöguræðu og jafna margföldun í þeim tilgangi að auka vægi umræðunnar og vægi frummælanda í stigagjöf auk þess að einfalda útreikninga á dómblaðinu. Eftir langar deilur var þessi tillaga felld með miklum meirihluta á þeim forsendum að hún kynni að sníða ræðuliðum of þröngan stakk, draga úr skemmtanagildi keppninnar og valda gamalreyndum dómurum hugarangri. Einnig var lögð fram tillaga um að í úrslitum Morfís skyldu dómarar vera fimm, með þeim rökstuðningi að það myndi draga úr líkunum á „dómaraskandal“ og „öfgadómurum“ með því að einangra „dómarafaktorinn“ og minnka vægi sérvisku dómara. Þótti sumum of mikil vinna fólgin í því fyrir lið að þurfa að semja um fimm dómara í úrslitum en þó var þessi tillaga samþykkt með meirihluta atkvæða. Nýtt verklag innleitt í lög Auk þessa voru samþykkt lög um að dómarar skyldu slá útreikninga sína í töflureiknisskjal í dómarahléi til að koma í veg fyrir vitlausa útreikninga á úrslitum. Samþykkt var einnig að stjórn Morfís skyldi hafa útreikningsskjal á heimasíðu sinni og setja dómblöð með úrslitum keppna á síðuna innan tveggja vikna frá keppnisdegi. Loks voru samþykkt lög sem kveða á um að stjórnin skuli leitast við að halda áreiðanlegt bókhald (fundargerðir, lagabreytingar, dómblöð, upptökur o.fl.) og mælst var til að vefsíðan yrði efld og að Morfís leitaðist eftir skrifstofu-aðstöðu. Ný stjórn Morfís kosin Að þessum löngu umræðum loknum var kosið í stjórn og var hún sjálfkjörin og samþykkt með meirihluta atkvæða. Stjórn Morfís veturinn 2009-2010 er svo skipuð: Formaður: Arnþór Axelsson, MR Framkvæmdastjóri: Bergur Theódórsson, FS Ritari: Kristín Dóra Ólafsdóttir, Verzló Meðstjórnandi: Óttar Hrafn Kjartansson, Kvennó
Menntaskólar Morfís Mest lesið „Blessaður, þú ert með heilaæxli“ Lífið Lil Nas X laus gegn tryggingu Lífið Stiklusúpa: Eins gott að þið spöruðuð frídaga inn í haustið Leikjavísir Woody Allen segist enginn aðdáandi Pútíns Lífið Ein glæsilegasta leikkona landsins selur slotið Lífið Þetta eru keppendur Ungfrú Ísland Teen 2025 Lífið Will Smith sakaður um að falsa áhorfendur með gervigreind Lífið Skúli hannaði hof fyrir Grímu Lífið Lil Nas X ákærður fyrir brot á alríkislögum Lífið Hegðun Benedikts kom upp um bónorðið Lífið Fleiri fréttir Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Lil Nas X ákærður fyrir brot á alríkislögum Ljúffengir hafraklattar með kaffinu Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja 99 ára gömul tombóla á Borg í Grímsnesi og engin núll Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Sjá meira