VIP svæðið var lokað almenningi

Hlustendaverðlaunahátíð FM 957 var haldin hátíðleg á skemmtistaðnum Nasa í gærkvöldi.

Tónlistaratriði frá Haffa Haff, Veðurguðunum, Friðrik dór, Diktu, Hvanndalsbræðrum og Blazrocka og Sykur slógu í gegn.

Kvöldið endaði svo á því að Páll Óskar tók flotta syrpu og Dikta lokaði svo kvöldinu með stórkostlegum tónleikum sem gleymast seint.

Troðfullt var út úr dyrum. Eins og myndirnar sýna skemmti fólk sér konunglega.

Aðeins útvaldir fengu aðgang að afmörkuðu VIP svæði á staðnum þar sem íslensku stjörnurnar, fylgdarlið þeirra og boðsgestir skemmtu sér.