Vill karlmenn með húmor

Söngkonan Cher heldur því fram að hún sýni karlmönnum einungis áhuga ef þeir eru fyndnir. Cher, sem er 64 ára gömul, er þekkt fyrir dálæti sitt á yngri karlmönnum en þvertekur nú fyrir að aldurinn skipti máli.

„Það spilar stórt hlutverk ef karlmenn kunna að segja brandara og fá mig til að hlæja," segir Cher í samtali við Metro Magazine en þegar hún er innt eftir því hvort hún laðist ekki líka að ungum karlmönnum svarar hún:

„Ég er nú komin á þann aldur að meira að segja gömlu karlarnir eru yngri en ég."