Buffon orðinn pirraður á City-sögunum

Gianluigi Buffon, markvörður Juventus, hefur haft nóg að gera við að neita sögusögnum þess efnis að hann sé á leið til Manchester City.

Buffon er dýrasti markvörður heims en hann er orðinn pirraður á öllum þessum fréttaflutningi og segist ekki hafa neinar áætlanir um að fara til Englands.

„Þessi orðrómur fer mjög í taugarnar á Gigi," segir Silvano Martina, umboðsmaður Buffon. Sagan segir að City sé reiðubúið að borga 35 milljónir punda fyrir Buffon sem er samningsbundinn Juventus til 2013.