Meirihlutaviðræður í Kópavogi ganga vel

Meirihlutaviðræður í Kópavogi ganga vel að sögn oddvita Vinstri grænna. Engar ákvarðanir hafa verið teknar varðandi bæjarstjórastólinn.

Fjórir flokkar í Kópavogi standa að þessari meirihlutamyndun, Samfylking, Vinstri grænir, listi Kópavogsbúa og Næst besti flokkurinn.  Saman eru þeir með sex bæjarfulltrúa af ellefu.

Flokkarnir funduðu í gær en Ólafur Þór Gunnarsson, oddviti vinstri grænna í Kópavogi, segir viðræður gangi vel. „Það er ekkert í spilunum allavegana sem hefur komið fram hingað til sem bendir til annars en að þessi meirihluti verði myndaður,“ segir Ólafur.

Flokkarnir hafa tekið neinar ákvarðanir varðandi bæjarstjórastólinn.

„Það hafa engar ákvarðanir verið teknar varðandi bæjarstjórastól eða útbýtingu embætta, en miðað við hvernig gangurinn er í viðræðunum þá hef ekki eina einustu áhyggjur að það gangi bara mjög vel að leysa þau mál.“