FC Bayern að undirbúa tilboð í Nicklas Bendtner

Samkvæmt Sunday Times er þýskaliði FC Bayern að undirbúa tilboð næsta sumar í Danska framherjann, Nicklas Bendtner, sem leikur með Arsenal.

Bendtner hefur spilað mikið fyrir Arsenal eftir að Robin Van Persie aðal framherji liðsins meiddist ílla fyrr á leiktíðinni. Nicklas Bendtner hefur skorað níu mörk það sem af er tímabilsins.

Talið er líklegt að Bendtner sé reiðubúinn að yfirgefa Lundúnarliðið og ganga til liðs bið FC Bayern þar sem hann á meiri möguleika á að spila reglulega í byrjunarliði.

Frank Ribery, leikmaður Bayern, er líklegast á förum frá félaginu næsta sumar en peningarnir sem fást fyrir hann verða notaðir í kaup á dananum Nicklas Bendtner.