Inzaghi ætlar ekki að gefast upp

Framherjinn aldni Filippo Inzaghi er ekki af baki dottinn þó svo hann hafi meiðst illa og muni líklega ekki spila meira í vetur.

Hinn 37 ára gamli Inzaghi tekur ekki mál að leggja árar í bát og ætlar að koma sterkur til baka.

"Svona er lífið og fótboltinn. Það er ekkert við þessu að gera. Ég hef fengið mikinn stuðning eftir að ég meiddist og er þakklátur fyrir hann. Það standa allir við bakið á mér hjá félaginu," sagði Inzaghi.

"Ég mun gera allt sem ég get til þess að komast aftur á völlinn og það sem fyrst. Ævintýrið er ekki á enda. Það kemur ekki til greina."

Inzaghi hefur ekki bara fengið stuðning hjá Milan því hann fékk einnig góðar kveðjur frá Francesco Totti sem hvatti hann til þess að gefast ekki upp.