Inzaghi áfram hjá Milan

Filippo Inzaghi hefur framlengt samning sinn við AC Milan og verður hjá félaginu að minnsta kosti í eitt ár til viðbótar.

Inzaghi er 36 ára gamall og kom til félagsins frá Juventus árið 2001. Skrifað var undir nýja samninginn í dag en sagt var frá tíðindunum í einni setningu á heimasíðu Inter.

Inzaghi hefur oft átt betra tímabil en þetta sem er nýliðið. Hann skoraði einungis tvö mörk í 24 deildarleikjum á Ítalíu. AC Milan varð í þriðja sæti deildarinnar, á eftir Inter og Roma.

Hann hefur þó skorað meira en 100 mörk með AC Milan á ferlinum.