Ungfrú Hvíta-Rússland eins og Ungfrú Reykjavík

Fegurðarsamkeppnin Ungfrú Hvíta-Rússland fór fram í Minsk fyrir helgi. Þar var mikið um dýrðir enda nýtur keppnin mikillar hylli í heimalandinu.

Keppnin átti það sameiginlegt með Ungfrú Reykjavík, sem var haldin á Broadway í febrúar, að stúlkurnar komu fram með risavængi. Þetta þema, sem er þekkt frá undirfatasýningum Victoria's Secret, virðist því vera að festa rætur í fegurðarkeppnibransanum.

Þá er bara spurning hvort stelpurnar sem keppa í Ungfrú Ísland seinna í mánuðinum verði einnig með vængi.